Foto: Ashyq derekkóz
49 jastaǵy depýtat klınıkaǵa ıek tusyna lıposaksııa jasatý úshin barǵan. Operasııa 4 sáýirge josparlanǵan, alaıda narkoz engizý kezinde naýqastyń jaǵdaıy kúrt nasharlaǵan.
Marqumnyń jubaıynyń aıtýynsha, buǵan ıntýbasııanyń durys jasalmaýy sebep bolýy múmkin. Sonyń saldarynan qan qysymy men qandaǵy qant deńgeıi kúrt kóterilip, ıshemııalyq ınsýlt bolǵan. Er adam komaǵa túsip, bir aıdan keıin qaıtys bolǵan.
Densaýlyq saqtaý mınıstrligi klınıkaǵa jospardan tys tekserý júrgizip, operasııalyq blok tolyq jabdyqtalmaǵanyn, keıbir quraldardyń jaramdylyq merzimi ótip ketkenin anyqtaǵan. Budan bólek, klınıkada eresekterge arnalǵan anestezıologııa jáne reanımasııa lısenzııasy joq ekeni anyqtalǵan.
Erbol Aıtýov Mańǵystaý oblystyq máslıhatynyń depýtaty bolǵan. 2023 jyldan beri Mańǵystaý oblysy kásipkerler palatasynda óńdeý ónerkásibi jáne bazalyq salalar komıtetin basqarǵan.
Aıta keteıik, buǵan deıin Almatydaǵy jeke klınıkada lıposaksııadan keıin bloger ári kásipker Sáýle Ermahanova da qaıtys bolǵan edi. Kásipkerdiń ólimine qatysty Densaýlyq saqtaý mınıstrligi tekserý júrgizetinin málimdegen bolatyn.
