• 21 Jeltoqsan, 2013

Qazaqstan hokkeıshileri - Ýnıversıada kúmis júldegeri

252 ret

kórsetildi

1 mın

oqý úshin

Egemen Qazaqstan

21-12-13-hokkei-kazakhstan-2

Búgin, 21 jeltoqsanda Qazaqstannyń quramasy Italııannyń Trentıno qalasynda ótip jatqan Ýnıversıadanyń aqtyq aıqasynda Kanada komandasyna 1:3 bolyp utylyp, kúmis medaldi qanaǵat tutty. Bul týraly Vesti.kz habarlady. Kezdesýdiń basy bizdiń stýdentter terme jamaǵaty úshin birshama sátti qlyptasty. Olar 14-sekýndta esep ashty. Ony Evgenıı Rymarevtiń pasyn paıdalanǵan Aleksandr Shın jasady. Biraq, 4-8 mınýttarda kanadalyqtar úsh shaıba soǵyp, alǵa shyǵyp ketti. Bul aralyqta «Úıeńki japyraǵy» eliniń Maıkl Kassola, Djoshýa Deı jáne Metıý Maıon esimdi hokkeıshileri kózge tústi. Jaǵdaıdyń aıaq astynan bulaı ózgerip ketýi qazaqstandyqtardy biraz abdyratyp tastady. Osynyń saldarynan olar qatelikti kóp jiberip, dórekilikke oryn berip alyp jatty. Bul komanda sapynan alańnan qýylýshylar sanyn kóbeıtti. Eger birinshi kezeńde bizdiń stýdentter 4 mınýtqa jaza tartsa, ekinshi kezeńde 66 mınýt (!) aıyptylar oryndyǵynda otyrdy. Al Aleksandr Kaznacheev pen Alekseı Voronsov matchtyń sońyna deıin qýyldy. Buǵan qosatynymyz, bizdiń jattyqtyrýshy Vladımır Plıýsheev pen onyń kómekshisi Andreı Psarev te kezdesýdiń sońyna deıin aıdyn mańaıynan alastatyldy. Eske sala keteıik, Qazaqstan quramasy fınalǵa deıin tek jeńiske jetip keldi. Ol toptyq týrnırde Ýkraına, Japonııa jáne Kanada komandalaryn utty. Shırek fınalda Latvııany, jartylaı fınalda AQSh-ty tize búktirdi. Al Reseı quramasy úshinshi oryn úshin oıynda AQSh jigitterin 6:2 esebimen oısyrata jeńdi. Damır Qojamqul. Derekkóz: Vesti.kz.