Ulttyq palata 2021 jylǵa arnalǵan elektrondyq saýdanyń negizgi baǵyttaryn, onyń ishinde «áleýmettik jelilerdegi saýdany rásimdeý jáne ony kóleńkeden shyǵarý» baǵyttaryn anyqtady.
«Búginde áleýmettik jeliler arqyly satylatyn taýarlar kólemi týraly málimetter joq. Bul naryq zań talaptary saqtalmaǵan «sur aımaq». Regýlıatıvtik aýyrtpalyqtan bosatylǵan beıresmı sektordyń shaǵyn sýbektileri negizsiz básekelik artyqshylyqtarǵa ıe bolady», dedi Narıman Ábilshaıyqov Saýda jáne ıntegrasııa mınıstrliginiń otyrysynda.
Onyń aıtýynsha, zamanaýı sıfrlyq platformalardy qoldana otyryp, Erkin tabys tabý ekonomıkasyn damytýdyń jol kartasy áleýmettik jelilerdegi saýdany rásimdeýge arnalǵan is-sharany qarastyrady.
«Shaǵyn jáne orta bıznesti óz qyzmetin resimdeýdi yntalandyrýdyń tıimdi ádisteriniń biri elektrondy kommersııa sýbektilerin jeńildetilgen qarjylandyrý bolyp tabylady, ol sondaı-aq kórsetilgen dorkartqa engizilgen», dep qosty ol.
Sonymen qatar tutynýshylardyń elektrondy saýdadaǵy quqyqtaryn qorǵaýdyń normatıvtik-quqyqtyq sharalary ázirlenetin bolady. Narıman Ábilshaıyqovtyń aıtýynsha, búgingi kúni taýarlardy qaıtarý, kórsetiletin qyzmetterdiń sapasy, tutynýshylardyń daýlaryn sheshýmen baılanysty problemalar áli de bar. Sondaı-aq, qazaqstandyq elektrondyq kommersııa operatorlaryn qoldaý úshin otandyq jáne sheteldik ınternet-dúkender arasyndaǵy bıýdjettik teńdikti qamtamasyz etý máselesi qarastyrylatyn bolady.
«Salyq tólemderiniń tólenbeýine baılanysty sheteldik satýshylar ishki saýda alańdaryna qaraǵanda baǵalyq artyqshylyqqa ıe, bul sońǵylaryn básekege qabiletsiz jaǵdaıǵa qaldyrady. Biz bul máseleni Salyq kodeksine kelesi ózgerister men tolyqtyrýlar aıasynda ázirleýdi usynamyz», dep túsindirdi Narıman Ábilshaıyqov.
Ol 2021-2025 jyldarǵa arnalǵan saýdany damytýdyń memlekettik baǵdarlamasy jobasynda elektrondyq saýdany damytýǵa baǵyttalǵan birqatar shara qarastyrylǵanyn qosty.
«Bul saýdanyń damýyn baqylaý men taldaýdyń biryńǵaı aqparattyq-taldamalyq júıesin qurý, statıstıkalyq esepti jetildirý, elektrondyq kommersııa naryǵynyń analıtıkalyq jáne marketıngtik zertteýlerin júrgizý, elektrondy platformalardy keńeıtý, fýlfılment jelisin ortalyqtandyrý», dep qosyp ótti.
Bul baǵyttardaǵy jumystardy Ulttyq kásipkerler palatasy Saýda jáne ıntegrasııa mınıstrligimen birge júrgizetin bolady.
