Aımaqta bıyl 7002 oqýshy 11-synypty aıaqtaıdy. Onyń 5832-i, ıaǵnı oqýshylardyń 83 paıyzy aqyly ulttyq biryńǵaı test tapsyrdy. Qorytyndy boıynsha 409 túlek 100 baldan joǵary upaı jınady. Qazaly aýdanynyń №226 mektep oqýshysy eń joǵarǵy 133 ball ıelendi.
Aqyly test 10 kún uıymdastyrylyp, 8 testileý pýnktinde ótti. Oqýshylar karantın talabyna sáıkes 5 satydan turatyn dezınfeksııalyq tekseristen ótken. Test barysynda dene qyzý kóterilgen oqýshylar anyqtalmady.
Aıta keteıik, bıyl ulttyq biryńǵaı testileýdi ótkizý elektrondy formatqa aýysady. Iаǵnı túlekter naýryz-maýsym aralyǵynda ulttyq test tapsyryp, memlekettik grant alýǵa múmkindik alady.
Túlekter 100 kún ishinde kompıýterlik testileý ortalyǵyna baryp, ulttyq testke qatysý quqyǵyna ıe bolady. Iаǵnı oqýshy ulttyq testti tapsyratyn kúndi ózi tańdap, ulttyq testileý ortalyǵyna ótinishti ózi qaldyryp, synaqqa kire alady.
