О́ńirde koronavırýs indetine qarsy ekpe salý jumystary 20 emhanada júrgizilip jatyr. Vaksınalarǵa arnalǵan arnaıy muzdatqysh kameralary jetkilikti. Búginde vaksına egilgen azamattardyń densaýlyǵy jaqsy. Ekpeden keıin aýrýhanaǵa túsken jaǵdaılar tirkelmegen.
Oblysta 15 aqpannan bastap Qaraǵandy farmasevtıkalyq kesheni negizinde shyǵarylǵan «QazCovid-In» ekpesi kezeń-kezeńmen egiletin bolady. Iаǵnı otandyq ekpeni qoldaný josparlanýda. Qazaqstandyq vaksına klınıkalyq synaqtyń úshinshi kezeńinen ótýde. Koronavırýstyq vaksınany eki kezeńmen 21 kún aralyǵynda jasaý mindetti. Oǵan sebep, birinshi doza antıdenelerdiń az mólsherin óndirýge baılanysty qysqa merzimdi qorǵanys áserin beredi. Ekinshi doza birinshiniń áserin kúsheıtedi jáne adam aǵzasyndaǵy antıdenelerdiń mólsheri artady.
Mamandar elimizde vaksınasııa erikti ekenin, egýden bas tartqany úshin ákimshilik nemese qylmystyq jaýapkershilik joqtyǵyn eskertýde. Vaksına saldyrarda azamattar tolyq dárigerlik tekserýden ótedi jáne kelesi úsh kún boıy dárigerdiń baqylaýynda bolady.
