Kezdesý barysynda Álemdik jáne dástúrli dinder lıderleri Sezi aıasyndaǵy Qazaqstan men DIL arasyndaǵy yntymaqtastyqty nyǵaıtýdyń joldary qaralyp, dinaralyq jáne órkenıetaralyq dıalogty halyqaralyq deńgeıde ilgeriletý boıynsha pikir almasyldy.
Osy rette elshi M.Ál-Isaǵa Qazaqstan Parlamenti Senatynyń Tóraǵasy, Álemdik jáne dástúrli dinder lıderleri Sezi Hatshylyǵynyń basshysy Máýlen Áshimbaevtyń atalǵan baǵyttaǵy ózara yqpaldastyqty tereńdetý maqsatynda Qazaqstanǵa resmı saparmen kelýge shaqyrǵan hatyn tabys etti.
Sonymen qatar, Otandyq dıplomat suhbattasyn Qazaqstanda oryn alyp jatqan mańyzdy oqıǵalarmen, sonyń ishinde qańtar aıynda ótken parlamenttik saılaý nátıjelerimen, Prezıdent Qasym-Jomart Toqaev jarııalaǵan saıası reformalardyń úshinshi paketiniń negizgi mazmunymen, elimiz Táýelsizdiginiń 30-jyldyǵyn atap ótý aıasyndaǵy sharalarmen tanystyryp ótti.
О́z tarapynan M.Ál-Isa DIL-diń Álemdik jáne dástúrli dinder lıderleri Sezi qyzmetin tolyq qoldaıtynyn qýattady jáne onyń Hatshylyǵymen yntymaqtastyqty barynsha tereńdetýge, álemdegi kelisim men úılesimdi, dinder arasyndaǵy ózara qurmet pen syılastyqty nyǵaıtý baǵytynda birlesip jumysty jalǵastyrýǵa daıyndyǵyn bildirdi.
Sondaı-aq, DIL Bas hatshysy kóptegen etnostar men konfessııalar ókilderiniń tatýlyq pen kelisimde ómir súrýin qamtamasyz etken Qazaqstan basshylyǵynyń syndarly saıasatyna, elimizde júrgizilip jatqan saıası jáne áleýmettik-ekonomıkalyq qaıta qurýlarǵa, táýelsiz damý jyldarynda qol jetkizgen jetistikterine joǵary baǵa berdi.
