Jınalysta Meıirjan Myrzalıev Túrkistan oblysynda qurylys qarqyndy júrip jatqanyn jáne qurylys materıaldaryna baǵanyń ósýi, turǵyn úı jáne áleýmettik nysandardyń sońǵy tutynýshyǵa asa qymbat bolýyna jol berilmeıtinin aıtty. Sondyqtan da baǵa turaqtandyrylmaq. Oblys aýmaǵynda qurylys ındýstrııasy boıynsha 50-den asa kásiporyn jumys atqarady. О́tken jyldyń qańtar-aqpan aıynda oblysta 21,2 mlrd teńgeniń ónimi óndirilip, ótken jylmen salystyrǵanda 137,9%-ǵa ósken. О́ńdeý ónerkásibindegi qurylys salasynyń úlesi 8%-dan astamyn quraıdy.
Básekelestikti qorǵaý jáne damytý agenttiginiń Túrkistan oblysy boıynsha departamenti basshysynyń orynbasary Danabek Mahatov qazirgi naryqtaǵy qurylys materıaldarynyń negizsiz qymbattaýy boıynsha qurylys ónimderin óndiretin kásiporyn jetekshilerine túsindirme jumystaryn júrgizdi.
Májilis barysynda, qurylys materıaldarynyń negizsiz ósý sebepteri talqylandy. Májilis qorytyndysy boıynsha oblys ákiminiń orynbasary M.Myrzalıev Elbasynyń «Túrkistan qalasyn kórkeıtý», Memleket Basshysynyń «Turǵyn úı naryǵyndaǵy baǵanyń negizsiz ósýine jol bermeý» tapsyrmalaryn oryndaý maqsatynda jergilikti atqarýshy organdarǵa qurylys materıaldarynyń baǵalaryn qadaǵalaýǵa, jedel jumys tobyn qurýdy, qurylys materıaldaryn óndiretin kásiporyndarǵa monıtorıng jumystaryn 1 apta merzimde júrgizýdi tapsyrdy.
