(«Urpaqtan artyq qandaı baılyq bar?», «EQ», 6 jeltoqsan, 2013 jyl)
Bas basylymda osydan eki apta buryn jarııalaǵan «Urpaqtan artyq qandaı baılyq bar?» atty maqalanyń avtory Súleımen Mámetke shyn júregimnen kópten kóp rahmet aıtamyn. Asa mańyzdy másele maqalada muqııat, jan-jaqty, tereń zerttelgen. Men buryn da amerıkalyqtarǵa asyrap alýǵa bala bergen bizdiń eldiń tul jetim sábıleriniń ol jaqta qorlyq kórip, mazaqqa ushyrap júrgeni týraly bir gazetten oqyp, qatty renjip: «Bul máseleni kóterý kerek, Úkimettiń aldyna qoıý kerek!» – dep sizderge jazbaq bolyp júr edim.
* Jazylǵan jaıdyń jańǵyryǵy
Bala saýdalaýǵa bolmaıdy
(«Urpaqtan artyq qandaı baılyq bar?», «EQ», 6 jeltoqsan, 2013 jyl)
Bas basylymda osydan eki apta buryn jarııalaǵan «Urpaqtan artyq qandaı baılyq bar?» atty maqalanyń avtory Súleımen Mámetke shyn júregimnen kópten kóp rahmet aıtamyn. Asa mańyzdy másele maqalada muqııat, jan-jaqty, tereń zerttelgen. Men buryn da amerıkalyqtarǵa asyrap alýǵa bala bergen bizdiń eldiń tul jetim sábıleriniń ol jaqta qorlyq kórip, mazaqqa ushyrap júrgeni týraly bir gazetten oqyp, qatty renjip: «Bul máseleni kóterý kerek, Úkimettiń aldyna qoıý kerek!» – dep sizderge jazbaq bolyp júr edim.
Sizder muny aıaǵyna jetkizdińizder. Amerıkalyqtarǵa asyraýǵa berilgen on myńǵa jýyq qazaqstandyq balalardyń keıbireýleriniń ol jaqta qorlyq jaǵdaılarda júrgenine biz osylaı shydaı beremiz be? «Qazaqstannyń halqyn qaıtsek kóbeıtemiz?» dep júrgende asyraýshysy joq tul jetim balalarymyzdy shetelderge berýdi úzildi-kesildi toqtatý kerek. Ondaı tul jetimderdi asyrap alyp, ósirýge, tárbıeleýge tek óz Otanymyzdyń azamattaryna ǵana ruqsat etiletin bolsyn! Onda da ol jetimderdi alǵandar qalaı tárbıelep júrgeni qadaǵalaýda bolýy kerek. Bala saýdalaýshylar qatań jazalansyn!
Tul jetim balalardy asyrap, ósiremin, bala qylyp alamyn deýshiler óz otandastarymyzdyń arasynan tabylmaǵan jaǵdaıda, ondaı taǵdyr tálkegine túsken ul-qyzdar memlekettik balalar úılerinde tárbıelensin. Ol mekemelerdiń de jumysy memleket, qoǵam tarapynan qatań qadaǵalaýda bolýy kerek.
«Egemen Qazaqstanǵa», bárińizge úlken tabys tileımin.
Ońalbek ÁShIRBAIULY,
eńbek ardageri,
Shardara aýdanynyń qurmetti azamaty.
Ońtústik Qazaqstan oblysy.
