О́z isińdi ashý qıyn emes eken
Merki aýdanynda Madeli Qadyrqulov esimdi dosym bar. Onyń úı turmysyna qajetti tereze shyǵaratyn mekemesi bar. Jumys jasap jatqanyna shamamen 7-8 jyl bolyp qaldy. Birde men de úıimniń aýlasynda otyryp, tereń oıǵa batyp kettim. Oıyma «ózimizdiń Shý aýdanynan osyndaı oryn ashsam qalaı bolady eken?» – degen ıdeıa keldi. Eseptep kórsem, ony ashý úshin keminde 1,5 mln. teńge qajet. Biraq, munsha aqshany kaıdan alamyn?
О́z isińdi ashý qıyn emes eken
Merki aýdanynda Madeli Qadyrqulov esimdi dosym bar. Onyń úı turmysyna qajetti tereze shyǵaratyn mekemesi bar. Jumys jasap jatqanyna shamamen 7-8 jyl bolyp qaldy. Birde men de úıimniń aýlasynda otyryp, tereń oıǵa batyp kettim. Oıyma «ózimizdiń Shý aýdanynan osyndaı oryn ashsam qalaı bolady eken?» – degen ıdeıa keldi. Eseptep kórsem, ony ashý úshin keminde 1,5 mln. teńge qajet. Biraq, munsha aqshany kaıdan alamyn?
El aýzynan «Jumyspen qamtý-2020» baǵdarlamasy aıasynda Úkimetten 7 paıyzben nesıe beriletinin kóp estıtinmin. Biraq, kúmándanýshy edim. Sonda da, úmitimdi úzbeı surastyra júrip, bar qajetti kujattardy jınastyryp, aýdan ákimdiginiń jumyspen qamtý bólimine bardym. Meni onda jyly shyraımen qarsy aldy. Jaýapty qyzmetkerlerge kelgen sebebimdi túsindirip aıttym. Olar daıyndalǵan qujattardy qarap shyǵyp, 2-3 kúnniń ishinde qajetti somany alýyma bolatyndyǵyn jetkizdi. Muny estigennen keıin qatty qýanyp qaldym.
Arada ol kúnder de óte shyqty. Atalmysh baǵdarlama nátıjesinde 2 mln. teńge kólemindegi qarajatty qolyma aldym. Eń aldymen, jumys jasaıtyn oryn izdestirdim. Ony tapqannan keıin qajetti stanoktardy jetkizip aldym. Sodan keıin, ýaqyt ótkizbeı jumysymdy bastap kettim. Bul jumystyń bastamasyna Merkidegi joldasymnyń qol astynda jumys jasaıtyn eki jigit kelip qolushyn berdi. Kúnnen-kúnge jumysym alǵa basty. Allaǵa myń da bir shúkir, búginde tapsyrys kóp, tapshylyq joq.
2011 jyldyń sońynda bul isim ońǵa basyp, tynymsyz jumys istedik. Aýdanymyzdyń biraz turǵyndary tapsyrystar berip, keıde úlgermeı de qalatyn kúnder bolatyn. Degenmen, tapsyrysty ýaqtyly ótkizý kerek. Osyǵan oraı, túngi uıqyny tórt bólip, jumys istegen kúnderimiz de bolǵan. Sol jyldyń kys mezgilinde aýa raıyna baılanysty 1-2 aı jumys toqtap turdy. 2012 jyldyń kóktem aıynan bastap, kyzý jumys kaıta bastaldy. Bul kezde, tipti aldyn ala tapsyrystar berilip qoıǵan edi. Namysqa tyrysyp, ony da atqardyq.
Búgingi tańda jumys qarqyny jaqsy. Suranys kúnnen-kúnge artyp jatyr. Tipti, Moıynqum aýdanynan da tapsyrystar keledi. Biz tapsyrystyń 1 sharshy metrin 12 500 teńgege jasaımyz. Onyń ishine kózdelgen orynǵa jetkizip berý, ornatý jáne basqa da qyzmetter kiredi.
Jalpy, baǵdarlama jaıynda aıtar bolsam, ol óte tıimdi. Belgili bir kásippen aınalysamyn deýshilerge kóptegen jeńildikter men múmkindikter jasalǵan. Beriletin nesıeniń paıyzy da qolaıly. Sondaı-aq, bastaǵan isti aıaqtandyryp, jumystyń kózin tapqansha bir jarym jyl nesıeni tólemeýge bolady. Bul ýaqytta biraz jumysqa úlgerýge bolady. О́zimdeı qarapaıym azamattarǵa aıtarym, bastar isten qoryqpaı, alǵa maqsat qoıyp, jumys atqaryńyzdar. Elimizdiń, aýdanymyzdyń kórkeıýine, damýyna, ósýine óz úlesimizdi qosaıyq. О́ıtkeni, bul bizdiń balalarymyzdyń bolashaǵy.
Janteli OMAROV.
Jambyl oblysy,
Merki aýdany.
