Qazynaly aımaqtaǵy órkendi ózgerister

Shyǵys Qazaqstan oblysy jyldy tolaıym tabystarmen qorytyndylady

Iá, 2013 jylǵa ókpe joq. Mereıli de berekeli bıylǵy jyly shyraıy kirgen Shyǵysta el esinde qalatyndaı eleýli oqıǵalar oryn aldy. Indýstrııalyq-ınnovasııalyq jobalar boıynsha kendi Altaıda 611 mıllıard teńgeniń 39 jobasy júzege asýy tıis bolsa, ol oryndalýǵa jaqyn. Tústi metallýrgııanyń kósh basynda turǵan «Qazsınk» jaýapkershiligi shekteýli seriktestigi men «Úlbi metallýrgııa» zaýyty» AQ-ta, О́skemen tıtan-magnıı kombınatynda jáne Shyǵys Qazaqstan mashına jasaý zaýytynda jańa qýattar iske qosylyp, myńdaǵan jumys oryndary ashyldy. Qazaqstannyń ındýstrııalandyrý kartasyna engen jobalardyń ishinde taý-ken metallýrgııa salasy erekshe orynǵa ıe. Bul sala boıynsha

8 joba iske asty.

Shyǵys Qazaqstan oblysy jyldy tolaıym tabystarmen qorytyndylady

Iá, 2013 jylǵa ókpe joq. Mereıli de berekeli bıylǵy jyly shyraıy kirgen Shyǵysta el esinde qalatyndaı eleýli oqıǵalar oryn aldy. Indýstrııalyq-ınnovasııalyq jobalar boıynsha kendi Altaıda 611 mıllıard teńgeniń 39 jobasy júzege asýy tıis bolsa, ol oryndalýǵa jaqyn. Tústi metallýrgııanyń kósh basynda turǵan «Qazsınk» jaýapkershiligi shekteýli seriktestigi men «Úlbi metallýrgııa» zaýyty» AQ-ta, О́skemen tıtan-magnıı kombınatynda jáne Shyǵys Qazaqstan mashına jasaý zaýytynda jańa qýattar iske qosylyp, myńdaǵan jumys oryndary ashyldy. Qazaqstannyń ındýstrııalandyrý kartasyna engen jobalardyń ishinde taý-ken metallýrgııa salasy erekshe orynǵa ıe. Bul sala boıynsha

8 joba iske asty.

Indýstrııalyq jobalarǵa – keń óris

Kýrchatovta ǵylymı qala qurý jó­ninde bastama qyzý qoldaý taýyp otyr. Qalanyń basty nysany – ǵylymdy damytý jáne jańa tehnologııalar engizý salasynda baı tájirıbesi, qajetti kadrlyq áleýeti, kúrdeli ǵylymı ınfraqurylymy bar Qazaqstan Respýblıkasy ulttyq ıadrolyq ortalyǵy bolyp tabyla­dy. Ortalyq qyzmetin jetildirý úshin halyqaralyq talaptarǵa saı jumystar atqarylmaq. Ulttyq ıadrolyq ortalyq negizinde ótkiziletin sharalar atomdyq energetıka, radıoekologııa, ıadrolyq jáne radıasııalyq fızıka, seısmologııa salasyndaǵy ǵalymdar men ma­mandardyń nazaryn aýdarýda. Elbasy N.Nazarbaevtyń Qazaqstan men Reseı Federasııasynyń shekara mańy ynty­maqtastyǵy forýmy barysynda Kýrchatov qalasynda ǵylymı qala qurýǵa reseılik kompanııalardy shaqyrǵanynyń ózi bolashaqqa jasaǵan batyl qadam ekenin moıyndaǵan jón.

Elimizdegi serpindi jobalardyń biri – «AzııaAvto Qazaqstan» zaýytynyń qurylysy. Oǵan Reseıdiń «AvtoVaz» kompanııasy belsene aralasýda. Qurylystyń bastalǵanyna úsh aı ótti. Jańa zaýyt tolyq qýatyna engende jylyna 250 myń kólik shyǵarylyp, 12 myń jumys orny ashylmaq. Jyl basynan beri 20 myńǵa tarta sapaly da júrdek kólik shyǵaryldy. Qazirgi tańda О́skemende shyǵarylyp jatqan jeńil kólikterge suranys kóp, aldyn ala tapsyrys bergende ǵana birer aıdan keıin alýǵa bolady. Sonymen birge, Semeı qalasyndaǵy «SemAZ» jaýapkershiligi shekteýli seriktestigi tusa­ýyn keskeli elimizdegi agrarlyq sektordyń sharýalary erkin tynys ala bastady. Nege? Sebebi, buryndary Reseı men Bela­rýstan jetkiziletin tehnıkanyń baǵasy sharyqtap, ony alý múmkindigi qıyndap ketken. Aqyry isker azamattar zaýytty paıdalanýǵa berdi. Mınskiniń traktor zaýytymen birlesip tusaýyn kes­ken zaý­yt jylyna bir myń dana temir tulpar shyǵaryp aýyldarǵa jóneltýde. Onyń baǵasy basqalarǵa qaraǵanda 30 paıyz tómen. Bıyl seriktestiktiń qýaty eki esege artqan, janarmaıdy az tutynatyn qýatty traktorlardy shyǵara bastady. Onyń eki danasyn qarasha aıynda Jarma aýdanynyń Sharyq aýylyndaǵy qojalyq ıeleri dańqty balýan Dáýlet Bolatulynan tegin syıǵa aldy. Sol joly Sharyqta dárihana, dámhana, fýtbol alańy ashylyp, óńir basshysy B.Saparbaev isker azamattarǵa alǵysyn bildirdi.

Izdense rezervter kóp. Aýyly aralas, qoıy qoralas, bir-birimen kórshi jatqan óńirler ekonomıka men aýyl sharýashylyǵynda, basqa salalarda da yntymaqpen, qoıan-qoltyq jumys jasasa tabys eselene túsetini belgili. Shilde aıynda Shyǵys Qazaqstan, Almaty, Qaraǵandy jáne Pavlodar oblystarynyń yqpaldastyǵy aıasynda óńiraralyq yntymaqtastyq respýblıkalyq forýmy bolyp ótti. Shyǵys Qazaqstannyń tústi metaly kórshi oblystardyń káde­sine jarasa, Almatynyń kókónisi basqa aımaqtarǵa qajet. Pavlodar men Qaraǵandynyń ónerkásip ónimderine basqa aımaqtar zárý. Forým aıasynda júzden astam memorandým jasaldy. Aldaǵy ýaqytta da osyndaı tıimdi kezdesýler jalǵasa bermek. Sondaı-aq, Semeı qalasynda ótken «Sabantoı» merekesine Tatarstan Respýblıkasynyń tuńǵysh prezıdenti M.Shaımıevtiń qatysýy óńir turǵyndarynyń esinde saqtalmaq.

Aýyl-aımaq ajarlanyp keledi

Aýyldar ajarlanyp keledi. О́ńirdegi tirek aýyldary tizimine 50 eldi meken endi. Qazir ol aýyldarǵa barsańyz, tanymaı qalasyz. Sońǵy eki jylda ǵana tirek aýyldaryna júzdegen mıllıon teńge qarjy bólindi. Aýylda da serpindi jobalar qanat jaıa bastady. Ol eldiń eńsesin kóterýde. Máselen, serpindi jobalar qataryna engen О́skemen qus fabrıkasynda qus etin tereńdetip óńdeıtin qýat iske qosyldy. Onyń qurylysyna bir jarym mıllıard teńge qarjy jumsaldy. Bıznestiń jaýapkershiligimen boı kótergen nysanda 120 adam eńbek etip jatyr. Atalmysh kásiporynnyń tońazytylǵan 150 taǵam túri kórshi Reseıge eksporttalady.

Aýyl sharýashylyǵy salasynda da órkendi ózgerister bar. Bıyl oblys dıqandary buryn-sońdy bolmaǵan tabysqa qol jetkizdi. Aýa raıynyń jaý­yndy-shashyndy bolýyna qaramastan aýyl sharýashylyǵynyń qyzmetkerleri qajyrly eńbek etip memleket qambasyna 1 mıllıon tonnadan astam altyn dán quıdy. Kúnbaǵys daqylynan da mol ónim alyndy. О́ńirde teńbil buǵy, maral sany arta tústi. Altaı balynyń ataǵy alysqa ketken. Osymen úshinshi ret oblys ákimi B.Saparbaevtyń bastamasymen halyqaralyq bal festıvali bolyp, oǵan ondaǵan memleketten omarta sharýashylyǵynyń sheberleri qatysyp, tájirıbe almasty. Germanııa, Gollandııa, Qytaıdan jáne muhıttyń ar jaǵynan kelgen sheteldikter Altaı balynyń sapasy erekshe ekenin, ol Shyǵystyń brendine aınalý úshin kóp izdenis tanytý qajettigine toqtaldy.

Tamyz aıynda Abaı aýdanynda «Shyńǵystaý» jármeńkesi ótip, oǵan barlyq oblystardan aýyl sharýashylyǵy mamandary men qojalyq ıeleri qatysyp, asyl tuqymdy mal satyp alý jóninde júzdegen shartqa otyrdy. Aldaǵy ýaqytta mańyzdy shara jyl saıyn ótip turmaq. Sondaı-aq, О́skemende ótken tuńǵysh aýyl jastary halyqaralyq kongresiniń taǵylymdy jaqtary mol boldy. «Dıplommen – aýylǵa!» bastamasymen kindik qany tamǵan jerge aıaq basqan jastarǵa qamqorlyq jasaýdaǵy kemshilikter aıtylyp, ony túzeýdiń joldary qarastyryldy.

Ústimizdegi jyldyń maýsymynda Elbasy N.Nazarbaev jumys saparymen kendi Altaıǵa keldi. Semeı qalasynyń qys maýsymyna qalaı ázirlenip jatqa­nyna kóńil bóldi. Elbasy jylý berý ortalyǵynda bolǵan kezde birshama isterdiń atqarylǵanyn kórip, jumysty shırata túsý qajettigin shegelep turyp tapsyrdy.

Budan keıin «Semeı ınjınırıng» aksıonerlik qoǵamynyń jumysymen tanysty. О́skemen qalasyndaǵy birqatar kásiporyndar, kún qýatymen jylytatyn tabaqshalardy jasaıtyn zaýytta, Ana men bala ortalyǵynda bolǵan kezde Elbasy óńirde órkendi ózgeristerdiń bolyp jatqanyn atap kórsetti. Oblys ákimi B.Saparbaev komandasynyń jumysyna oń baǵa berdi.

Mamyr aıynda «Altaı – bizdiń ortaq úıimiz» atty halyqaralyq forým bolyp ótti. Oǵan Qazaqstan, Reseı Federasııasy, Qytaı jáne Mońǵolııa elderiniń ókilderi qatysty. Oblys ákimi B.Saparbaev forýmda baıandama jasap, Shyǵys Qazaqstanda tabıǵı qoryqtar men saıabaqtardyń, rezervattardyń aýmaǵy 2 mıllıon gektarǵa, al uzyn sany 14-ke jetkenin atap kórsetti. Jasyl tehnologııany batyl engizýdi nasıhattaı otyryp, alda kele jatqan EKSPO-2017 halyqaralyq kórmesin ótkizýde izdenis pen ilkimdilik tanyta beretinin tilge tıek etti.

«Jasyl ekonomıka – Qazaqstan damýyndaǵy jańa baǵyt» úshinshi halyqaralyq ekologııalyq forýmy da kókeıkesti máseleni qozǵady. Oblystyń ekologııasyn jaqsartý úshin ne isteý kerek, aýany lastaıtyn iri kásiporyndar bul oraıda ne tyndyryp jatyr degen saýaldarǵa turǵyndar jaýap alǵandaı boldy. Forým jumysyna Qorshaǵan ortany qorǵaý mınıstri N.Qapparov, Indýstrııa jáne jańa tehnologııalar, О́ńirlik damý mınıstrlikteriniń ókilderi, Koreıa Respýblıkasy men Qytaı Halyq Respýblıkasynyń elshileri jáne basqa da sheteldik uıymdardyń ókilderi qatysty. «Qazaqstan-2050» Strategııasynda kún, jel qýattarynan energııa alý mindeti qoıylǵany belgili. Bul baǵytta da óńir basshysy B.Saparbaevtyń bastamasymen qyrýar jumystar júrgizilýde. – Bizde jel energııasyn paıdalaný áleýeti bar, – dedi osy forýmda óńir basshysy. – Búgingi kúnniń ózinde Abaı, Kúrshim, Aıagóz, Úrjar aýdandarynyń shalǵaıdaǵy sharýa qojalyqtarynda 20-dan astam jel elektr generatory men 1 myńnan astam kún batareıasy ornatylǵan. Aǵymdaǵy jyly О́skemende kúnnen qýat alatyn batareıalarǵa arnalǵan fotoelektrlik modýlder óndiretin zaýyt iske qosylady.

Forýmda birqatar memorandýmǵa qol qoıyldy. Onyń ishinde quny 18,1 mıllıar­d teńge bolatyn jel elektr stansasyn salý uıǵaryldy.

Túrki dúnıesiniń tutastanýyna arnaldy

О́ńirdegi este qalatyn mańyzdy oqıǵanyń biri – О́skemende ótken «Altaı – túrki áleminiń altyn besigi» II halyqaralyq forýmy. Halyqaralyq ǵylymı-praktıkalyq konferensııa­men bastalǵan dúbirli jıynǵa res­pýblıka Mádenıet jáne aqparat mı­nıstri Muhtar Qul-Muhammed, ataqty aqyn Oljas Súleımenov, akademık Jabaıhan Ábdildın, TÚRKSOI halyqaralyq uıymynyń bas hatshysy Dúısen Qaseıinov, halyq jazýshysy, Memlekettik syılyqtyń laýrea­ty Ábdijámil Nurpeıisov, álemniń 12 mem­leketinen ǵalymdar, mádenıet já­ne óner qaıratkerleri, halyqaralyq uıymdardyń ókilderi qatysty. Bul mańyzdy forýmǵa Elbasy N.Nazarbaev quttyqtaý hat joldady.

«Ardaqty aǵaıyndar! «Altaı – túr­ki áleminiń altyn besigi» atty halyq­aralyq forým ekinshi ret ótip otyr, ol ulyqtaýǵa laıyq ulaǵatty is. Forým bizdiń ejelden qalyptasqan baılanystardy nyǵaıta otyryp, keleshek qarym-qatynastarymyzdy aıqyndap, ata tarıhymyzdyń bastaýy Altaıda tabylǵan rýhanı qundylyqtardy ıgerýge jańa múmkindik ashýǵa tıis», delinipti onda.

– Iá, ómir tolqynynda talaı halyqtar quryp ketti. Tek eń myq­tylary ǵana, sonyń ishinde HHI ǵa­syr­­ǵa qazaqtar da aman-esen jetti. Árı­ne aqtańdaqtar kezinde qazaqtar da náýbetke ushyrady, talaı daryndy bozdaqtar kinásiz ajal qushty. HH ǵasyrda halqymyzdyń teń jartysynan aıyryldyq. Sondyqtan biz bárimiz qaıdan ekenimizdi, kim ekenimizdi este ustaýymyz kerek. Biz árqaısymyzdyń atymyzdy esimizge túsirdik, al tegimiz bir – túrki, – dep Oljas Súleımenov aǵynan jaryldy.

Túrki dúnıesiniń tutastanýyna ar­nalǵan bul forýmnyń mańyzy asa zor. Konferensııa barysynda túrkologııa men altaıstıka máseleleri, Eýrazııa ke­ńis­tigindegi ekonomıkalyq ıntegrasııa, túrki áleminiń tarıhy men arheologııa­sy, ekologııa máseleleri talqylandy. Altaıdyń tańǵalarlyq tabıǵatyna ar­nalǵan flora jáne faýna, kitap kórmeleri uıymdastyryldy.

Talantty jazýshy Oralhan Bókeıdiń 70 jyldyǵyna arnalǵan mádenı sharanyń tálimdi jaqtary mol boldy. Belqaraǵaı, О́rel, Shyńǵystaı aýyldarynda talant ıesin eske alýǵa arnalǵan kezdesýler ótkizildi. Katonqaraǵaı aýylynda jazýshyǵa eńseli eskertkish ornatyldy. Eskertkishtiń ashylýynda oblys ákimi Berdibek Saparbaev aýdan jurtshylyǵyn quttyqtap, jazýshyny máńgi este saqtaý úshin eskertkish qoıylǵanyn, kóshege esimi berilgenin atap aıtty. Saltanatqa qatysqan Mádenıet jáne aqparat mınıs­trliginiń jaýapty hatshysy Janna Qurmanǵalıeva mınıstr Muhtar Qul-Muhammedtiń quttyqtaý hatyn oqyp berdi. Ǵylymı-praktıkalyq konferensııada jazýshynyń qalamdas dostary men inileri Tólen Ábdik, Kádirbek Segizbaev, Marat Májıtov, Álibek Asqarov, Qaıyrdy Nazyrbaev, Dıdahmet Áshimhanov jáne taǵy basqalar estelikter aıtty.

Týǵan el – altyn besigim

Zaısan qalasy men aýdannyń 24 eldi mekeni kógildir otyndy tutynatyn boldy. Sarybulaq – Maıqapshaǵaı 92,5 shaqyrymdyq gaz qubyry qarasha aıynda paıdalanýǵa berildi. Oblys ákimi B.Saparbaev gazdy alǵash paıdalanǵan 87 jastaǵy Kúlásh Faızrahmanova ájeıdiń úıine baryp, qýanyshymen bólisti. Budan keıin Áýezov atyndaǵy orta mektepte boldy. Zaısan aýdanynyń ákimi Almas Ońdaqanovtyń aıtýynsha, kógildir otyn 470 úıge qosylypty. Jumys odan ári jalǵasý ústinde. Keler jyly 9 eldi mekenge gaz qubyry tartylmaq.

«Týǵan elge – taǵzym!», «Týǵan el – altyn besigim!» aksııalarynyń bes jyldyǵy keń kólemde atalyp ótti. Aıtýly oqıǵaǵa arnalǵan saltanatty jıyn Jarma aýda­nynyń ortalyǵy Qalbataý aýylynda ótti. Oblys ákimi Berdibek Saparbaev mádenıet pen óner salasynyń úzdikterine baǵaly syılyqtar tabystady. Júlde alǵan ozattarǵa qurmet kórsetildi. Oblys ákiminiń orynbasary Jaqsylyq Omar 2009-2011 jyldary 40-tan astam qonaqúı, meıramhana, saýda úıleri men turmystyq qyzmet kórsetetin nysandar paıdalanýǵa berilgenin tilge tıek etti.

Jaqynda bul sharanyń besjyldyǵy О́skemende de atalyp ótti. Onda qa­ıy­rymdylyq sharalaryna belsene aralas­qan, óz qarjylaryna qonaq úıler, máde­nıet mekemeleri men sport keshen­derin salyp bergen 18 azamat oblys ákiminiń Alǵys hattaryna ıe boldy. Bes jylda óńirden shyqqan isker azamattar 20 mıllıard teńgeden astam óz qarjylaryn qaıyrymdylyq sharalaryna jumsapty.

Shyǵys Qazaqstan oblysy qashan da aldyńǵy orynnan kórinip júr. Tamyz aıynda óńir basshysy B.Saparbaev oblystar arasynda birinshi bolyp Astanada brıfıng ótkizip, qol jetkizgen tabys­tar jaıly aıtyp berdi. Indýstrııalyq jobalar boıynsha kósh basynda kele jatqan óńirdiń ekonomıkalyq áleýeti eldi qyzyqtyrdy.

Qazan aıynda Almaty qalasynda Shyǵys Qazaqstannyń mádenı kúnderi uıymdastyryldy. Oǵan Bıbigúl Tólegenova, Maıra Ilııasova, Tolqyn Zabırova, Vıacheslav Tkach, Gúldana Noǵaıbaeva, Ásel Nurlanova, Nurgúl Qabdollaeva tárizdi óner juldyzdary qatysyp, kelýshilerdi ánge bóledi. Jármeńkede ondaǵan tonna et pen Altaı baly saýdalandy. Sondaı-aq, Astana qalasynda da Shyǵys Qazaqstannyń mádenı kúnderi jalǵasyn tapty.

Qazaqstan fýtbolyna bir ǵasyr

Semeı qalasynda Qazaqstan fýtbo­lynyń 100 jyldyq mereıtoıy el esinde qalatyndaı tartymdy ótti. Oǵan sonaý 60-70 jyldardaǵy fýtbol juldyzdary qatysty.

Osy mereke sheńberinde «Spartak» komandasy men ardagerler arasyndaǵy joldastyq kezdesý tartymdy ótti. Oblys­ta fýtboldan eki komanda bar. Semeıdiń «Spartagy» keler jyldan bastap sýpertopta óner kórsetpek. О́ńirde sportqa erekshe kóńil bólýdiń nátıjesinde sańlaqtarymyz top jara bas­tady. О́skemende jekpe-jek saraıy saltanaty jaǵdaıda ashylyp, oǵan dańqty balýan Dáýlet Turlyqanov, Olımpıada chempıony Olga Rypakova, bokstan Álem chempıony Mereı Aqshalov qatysty. Jaqyn arada jeńil atletıka maneji iske qosylmaq. Júzý kesheni qurylysy da aıaqtalyp qaldy. Jyl basynan beri óńirde júzdegen myń sharshy metr turǵyn úı paıdalanýǵa berilipti. Sportqa kóńil bólýdiń arqasynda Shyǵystyń órenderi óńirdiń ataǵyn shyǵaryp keledi. Jaqynda oblys ákimi ataqty shańǵyshy Alekseı Poltoranınge qurmet kórsetip, Rıdder qalasynan úsh bólmeli páterdiń kiltin  tabys etti.

Tuńǵysh Prezıdent kúnine oraı ótkizilgen onkúndik

Qazaqstan Respýblıkasynyń Tuńǵysh Prezıdenti kúnin merekeleýge arnalǵan onkúndikti ótkizý jónindegi bastamany alǵashqy bolyp kótergen bizdiń óńir. Eń aldymen on kún boıy túrli sharalar ótti. Shyǵys aýylynda páter kiltterin alǵan 12 otbasy qonys toıyn jasady. Semeı qalasynda 50 otbasy jańa páterlerge ıe boldy. Shemonaıha qalasynda «Týǵan tilim – ardaǵym» atty forým ótip, jańa mektep-ınternat paıdalanýǵa berildi. Onkúndikte О́skemende 78 páterlik turǵyn úı paıdalanýǵa berilip, 22 kópbalaly analar, jetim balalar, Uly Otan soǵysynyń ardagerleri qýanyshqa keneldi. Qamysty aýylynda 12 úı salynyp bitýge taıaý. Ulan aýdanynyń Aıyrtaý aýylynda áleýmettik dúken men jańa dámhana, Úrjar aýdanynda da birqatar áleýmettik nysandar ashyldy. Úrjarda eki jyl ishinde salynyp jatqan 8 mekteptiń paıdalanýǵa beriletinin de aıta ketken jón. Onyń tórteýi esigin aıqara ashty. Kúrshim, Kókpekti aýdandaryn baılanys­tyryp turǵan «Kúrshim» paromy kúrdeli jóndeýden ótip, onyń saltanatty ashylýyna óńir basshysy, aýdan turǵyndary qatysty. Abaı, Besqaraǵaı, Jarma, Aıagóz, Tarbaǵataı, Zaısan jáne basqa aýdandarda da onkúndik kezinde júzdegen ǵımarat ashyldy. Rıdderde sońǵy 30 jylda birde-bir turǵyn úı salynbaǵan eken. Táýelsizdik merekesi qarsańynda 60 páterlik turǵyn úı, 50 oryndyq balabaqsha ashyldy.

«Jumyspen qamtý-2020» baǵ­darlamasy boıynsha da áleýmettik nysandar Jańa jyl qarsańynda ashylyp jatyr. Shaǵyn qalalar tizimine engen Rıdder, Zyrıan, Serebrıanka, Kýrchatov qalalaryna ondaǵan mıllıard teńge qarjy bólinip, ekonomıka men aýyl sharýashylyǵyna da qan júgire bastady. О́ńirde qazirgi tańda 50 eldi meken tirek aýyldary tizimine enip otyr. Aýyldar adam tanymastaı ózgerdi.

Shyǵys Qazaqstan oblysynyń eńbekkerleri 2013 jyldy tolaıym tabystarmen qorytyndylap otyr. Ta­bıǵat-ana syılaǵan en baılyqty halyq ıgiligine jaratyp, adamdardyń áleýmettik jaǵdaılaryn jaqsartýda mine, osyndaı ońdy ister atqarylyp jatyr. «Qazaq­stan-2050» Strategııasynda atap kórsetilgen mindetterdi júzege asyrý jolyn­da kóp izdenis pen ilkimdiliktiń qajet ekeni aıtpasa da belgili. Shyraıy kirgen Shyǵystyń áleýeti arta berip, halyqtyń áleýmettik jaǵdaıy durystala beretini sózsiz.

Ońdasyn ELÝBAI,

«Egemen Qazaqstan».  

Shyǵys Qazaqstan oblysy.