Qoǵam • 10 Aqpan, 2021

Salyqty onlaın tóleý qalaı júzege asady?

78 ret kórsetildi

Endi budan bylaı el azamattary salyqty onlaın túrde tóleýge múmkindik aldy. Osy úshin «E-Salyk Azamat» mobıldi qosymshasy iske qosyldy, dep habarlaıdy Egemen.kz.

Qosymshany qurýmen aınalysqan jumys toby 25 mıllıonnan astam málimetti óńdep, 5 mıllıonnan astam qate aqparattardy túzegen. Nysan derekterinde qandaı da bir qatelik bolsa salyq tóleýshi mobıldi qosymsha arqyly tıisti memlekettik organǵa ótinish joldaı alady. О́tinim mártebesin sol servıs arqyly baqylap otyrýǵa bolady.

Memlekettik kirister komıteti tóraǵasynyń orynbasary Jaıdar Ińkárbaevtyń aıtýynsha, servıs salyq tóleýshiniń ýaqytyn únemdeıdi.

«Endi adamdar bankke baryp, kezekke turyp, bank komıssııasyn tólep áýre bolmaıdy. «E-salyq Azamat» salyq ámııanynda múlik, jer jáne kólik salyǵy boıynsha online tolyqtyrýǵa, avtoesepteýge jáne qaraýǵa bolady» dedi ol.

Buryn salyq tóleý aqparaty 2-3 kúnge sozylsa, endi bankterden memlekettik kirister komıtetiniń júıesine salyq aqparattary onlaın rejımde, 2 mınýtta túsedi.

Qosymshany paıdalaný arqyly salyq máseleleri, onyń ishinde kólik, jer, múlik salyǵyna, kadrlyq qamtamasyzdandyrýǵa, keden salasyna, memlekettik qyzmetke, eksporttyq jáne kedendik baqylaýǵa, ońaltý jáne bankrottyqqa, sheteldik qarjylandyrý monıtorıngine qatysty mańyzdy suraqtardyń jaýabyn alýǵa múmkindik bar.

Sondaı-aq qosymshaǵa kirip birjolǵy jıyntyq tólemdi tóleýge, onlaın bron jasaýǵa, salyq bereshegińizdi tekserýge bolady. Tıisinshe, kólik quraly men jeke tabys salyǵyn jáne ósimpuldy da esepteı alasyz. Ol úshin «Kalkýlıatorlar» bólimine kirý jetkilikti.

«E-salyq Azamat» mobıldi qosymshasyn App Store jáne Play Market-ten júktep alýǵa bolady. Qazirdiń ózinde qosymshany 265 myńnan astam adam paıdalanyp úlgergen.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar