Medısına • 10 Aqpan, 2021

Elimizde koronavırýs shtammyn tekserý jumystary kúsheıtildi

19 ret kórsetildi

Densaýlyq saqtaý mınıstrligi Sanıtarlyq-epıdemııalyq baqylaý komıtetiniń tóraǵasy Aıjan Esmaǵambetova koronavırýs shtammdaryna qatysty pikir bildirdi, dep habarlaıdy Egemen.kz

Ortalyq kommýnıkasııalar qyzmetindegi baspasóz máslıhatynda A.Esmaǵambetovadan koronavırýstyń qandaı shtammdary Qazaqstanda anyqtalǵany suraldy.

«Qazaqstanda taralǵan vırýstyń genotıpin tolyq zertteý múmkindigi bar. Pandemııa bastalǵaly 285 shtamm zertteldi, olar naýryz aıynan qańtar aıy aralyǵynda bólingen shtammdar. Sizderdi «mýtasııalanǵan ońtústikafrıkalyq, brıtandyq jáne jańa brazılııalyq shtammdary bólindi me» degen suraq mazalap turǵany belgili. Maýsym men qańtar aralyǵynda genotıpteý nátıjesinde Qazaqstan aýmaǵynda atalǵan shtammdar anyqtalmady», dedi A.Esmaǵambetova.

Sonymen qatar Densaýlyq saqtaý vıse-mınıstri Ajar Ǵınııat ońtústikafrıkalyq, brıtandyq jáne brazılııalyq shtammdardy elge kirgizbeý úshin memlekettik shekarada tıisti sharalar qabyldanǵanyn eske saldy.

«Sol sebepti elimizge saparlap kelip jatqan azamattar tıisti tekserýden ótip jatyr. Barlyq óńirlerde shtammdar tekserilip otyr. Qazirgi kezde osy zerthananyń jumysy kúsheıtildi», dedi vıse-mınıstr.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar