Alǵashqy másele boıynsha baıandama jasaǵan oblystyq jumyldyrý daıyndyǵy basqarmasynyń basshysy Medet Ýsaın Syrdarııa ózeniniń búgingi jaǵdaıyn baıandady.
Basqarma basshysynyń aıtýynsha, búgingi kúni Shardara sý qoımasynan Syrdarııa ózenine túsip jatqan sý kólemi sekýndyna 550 tekshe metrdi qurasa, onyń 250 tekshe metrin Kóksaraı sý rettegishi alýda. Oblys aýmaǵyna sekýndyna 280 tekshe metr sý kelip tur. О́zen arnasynda sońǵy 7 jylda bolmaǵan jaǵdaı oryn alyp, muz Jańaqorǵan aýdany aýmaǵyna deıin ustasty. Muzdyń qalyńdyǵy soltústik aýdandarda 35-62 sm, ońtústik aýdandarda 18-35 sm qurap otyr. Sońǵy monıtorıng jumystardy júrgizý barysynda jalpy uzyndyǵy 3 shaqyrymdy quraıtyn shuǵyl qalpyna keltirýdi qajet etetin 3 nysan anyqtalǵan.
Aımaq basshysy Syrdarııa ózeni jaǵalaýyndaǵy qaýipti nysandardy qalpyna keltirý baǵytynda tıisti sala basshylary men qala, aýdan ákimderine birqatar tapsyrma berdi.
«Qyzylorda qalasy men aýdan ákimderi qaýipti ýchaskelerge bekitilgen jaýapty mekemelerdegi arnaıy tehnıkalardyń daıyndyq jaǵdaıynda bolýyn qamtamasyz etip, Syrdarııa ózeniniń boıyndaǵy árbir qaýipti ýchaskelerge bekitilgen arnaıy tehnıkalary bar jaýapty mekemelerdiń darııa boıy kezekshiligin uıymdastyrsyn. Oblystyq tótenshe jaǵdaılar departamenti oblys kóleminde sý tasqynynyń aldyn alý maqsatynda avarııalyq-qutqarý qyzmetteri men kúsh-quraldarynyń daıyndyǵyn únemi ázirlikte ustaýy qajet. Ekonomıka jáne bıýdjettik josparlaý basqarmasy, jumyldyrý daıyndyǵy basqarmasymen birlesip, qalpyna keltirý jumystaryn qajet etetin ózen boıy qorǵanys bógetteriniń jóndeý jumystaryna qarjy bólý úshin bıýdjettik komıssııa otyrysyna usynys keltirsin. Oblystyq jumyldyrý daıyndyǵy basqarmasyna atalǵan qorǵanys bógetterine shuǵyl túrde jóndeý jumystaryn uıymdastyrýdy tapsyramyn. О́zen arnasyndaǵy seń keptelisi kezinde qajet bolǵan jaǵdaıda qaýipsizdik sharalaryn saqtaı otyryp, muz jarý jumystaryn júrgizgeni jón», dedi oblys ákimi.
Sondaı-aq «Qazsýshar» respýblıkalyq memlekettik kásipornynyń Qyzylorda fılıalyna kólder júıesine sý alý maqsatynda oblys kólemindegi barlyq sý taratýshy kanaldardy ázirlikke keltirýge, Aral-Syrdarııa basseındik ınspeksııasyna Shardara sý qoımasynan qys-kóktem aılarynda Syrdarııa ózeniniń tómengi aǵysyna túsiriletin sý kóleminiń bekitilgen kestege sáıkes oryndalýyn únemi baqylaýda ustaýdy tapsyrdy.
Oblystyq komıssııa otyrysyndaǵy ekinshi másele Kongo-Qyrym gemorragııalyq qyzbasynyń aldyn alý sharalary týraly oblystyq sanıtarlyq-epıdemıologııalyq baqylaý departamentiniń basshysy Dınara Jańabergenova baıandady.
«Jyl saıyn oblys kóleminde Kongo-Qyrym gemorragııalyq qyzbasynyń 1 jaǵdaıdan 7-8 jaǵdaıǵa deıin sporadıkalyq aýrýshańdyq tirkeledi. О́tken jyly oblys boıynsha 12 yqtımal jaǵdaı tirkelip, onyń 9 jaǵdaıy zerthanalyq jolmen naqtylandy. 2019 jyly 8 naýqastyń dıagnozy zerthanalyq jolmen naqtylanǵan bolatyn. Oblys boıynsha Kongo-Qyrym gemorragııalyq qyzbasynyń tabıǵı oshaqtaryn anyqtaý maqsatynda 2020 jyly 239 eldi meken aýmaǵyna zooparazıtologııalyq zertteýler júrgizildi, onyń ishinde 117-i – qolaısyz eldi mekender», dedi Dınara Jańabergenova.
Jıyn sońynda óńir basshysy qala jáne aýdan ákimderine eldi mekenderdegi tazalyq jumystaryna tikeleı jaýapty ekenderin eskertip, oblystyq sanıtarlyq-epıdemıologııalyq baqylaý departamentine eldi mekenderdegi mehanıkalyq tazalaý jumystaryn qatań baqylaýǵa alýdy tapsyrdy. Al, oblystyq densaýlyq saqtaý basqarmasy basshysyna kene shaǵýmen túsken aýrýlardy emdeýge qajetti dári-dármekterdiń qory jetkiliktiligin qamtamasyz etýdi júktedi.
