Qoǵam • 12 Aqpan, 2021

Memlekettik rámizde min bolmaýy kerek

146 ret kórsetildi

Memlekettik rámizderimiz – elimizdiń Táýelsizdigin beınelep, halqymyzdyń rýhyn asqaqtatatyn, Qazaqstandy álemge pash etetin qasıetti  atrıbýttar. Olarda esh min bolmaýǵa tıistiligi – aı­daı aqıqat. Bul rette Memlekettik Týy­myz ben Mem­lekettik Eltańbamyz áý bas­tan kóp­shi­liktiń kóńilinen shyǵyp, kózaıy­myna aınaldy.

Al alǵashqy Memlekettik Gımnimiz 2006 jyly aýystyrylyp, sózin aqyn Jumeken Nájimedenov, mýzykasyn kompozıtor Shámshi Qaldaıaqov jazǵan «Meniń Qazaqstanym» áni mátinine Tuńǵysh Prezıdentimiz – Elbasy Nursultan Nazarbaev ózgerister engizgen soń jańa ánuranymyz bolyp qabyldanǵany málim. Sodan beri san alýan saltanatty is-sharalarda jáne dańqty sportshylarymyz álemdik jarystarda chempıondyq tuǵyrǵa kóterilgende memleketimizdiń mereıin asyra shyrqalyp júrgen osy Mem­lek­ettik Gımnimizdiń áni men sózine kiná taǵyp, syn aıtyp jatqan eshkim joq.

Degenmen, Atyraý qalasyndaǵy «Memle­­ket­tik rámizderdi nasıhattaý jónin­degi ulttyq ortalyq» qoǵamdyq birlestiginiń atqarýshy dırektory Rýslan Hamza Memleketik Gımnniń mátinindegi tynys belgilerinen birneshe dálsizdik taýypty. Onyń synı eskertpeleri boıynsha Bilim jáne ǵylym mınıstrligine qarasty A.Baıtursynuly atyndaǵy Til bilimi ınstıtýtynyń jetekshi ǵalymdary ǵylymı saraptama jasap, R.Hamzanyń keıbir kúmáni negizdi degen qorytyndyǵa kelgen. Atap aıtqanda, ǵalymdar óleńniń birinshi shýmaǵynyń úshinshi jolynan keıin qoıylǵan útirdiń ornyna «tıre» (syzyqsha) belgisi qoıylýy kerek dep sanaıdy. Iаǵnı:

«Altyn kún aspany,

Altyn dán dalasy,

Erliktiń dastany –

Elime qarashy!»

– bolyp jazylýy qajet.

Sondaı-aq Memlekettik Gımn mátininiń besinshi jolyndaǵy «er» sózi tyrnaqshaǵa alynyp jazylýy jáne «Qazaǵym myqty ǵoı» degen segizinshi jolynan soń lep bel­gisin qoıý qajet eken. Iаǵnı ekinshi shýmaqtyń durys  nusqasy mynadaı:

«Ejelden «er» degen

Dańqymyz shyqty ǵoı.

Namysyn bermegen

Qazaǵym myqty ǵoı!»

Osyǵan oraı, biz A.Baıtursynuly atyn­daǵy Til bilimi ınstıtýtynyń ǵylymı saraptamasynda kórsetilgen dálsizdikterdi túzetý úshin  memlekettik rámizder salasynda basshylyqty, salaaralyq úılestirýdi jáne memlekettik retteýdi júzege asyratyn ýákiletti organ retinde Mádenıet jáne sport mınıstrligine júgindik. Bizge berilgen  jazbasha jaýap tómengideı:

«Búgingi tańda Qazaqstan Respýblıka­synyń memlekettik rámizderi týraly» Qazaqstan Respýblıkasynyń 2007 jylǵy 4 maýsymdaǵy №258 Konstıtýsııalyq Zańynyń Memlekettik Gımn taraýyna qandaı da bir ózgeris engizý máselesi kún tártibinde turǵan joq.

Osyǵan baılanysty atalǵan Konstıtý­sııa­lyq Zańmen bekitilgen Qazaqstan Respýblıkasynyń Memlekettik Gımniniń mátinindegi tynys belgilerine ózgerister engizýdi maqsatqa saı emes dep sanaımyz».

Mádenıet jáne sport mınıstrligindegi eń mádenıetti memlekettik qyzmetshilerdiń «syrǵytpa» jaýaby osyndaı. Al bul dúnıede qasıetti Qurannan basqa, qatelik ketpeıtin, ózgertilmeıtin eshteńe joqtyǵy aıan. Sonyń ishinde qos palataly Parlamentte de ártúrli sebeptermen asyǵys qabyldanyp ketken keıbir zańdaǵy irili-usaqty kemshilikter arada ýaqyt óte kele anyqtalyp, ile túzetilip jatady. Ol – ómir shyndyǵy.

Memlekettik Gımnniń mátini memlekettik mekemeler men bilim berý uıymdary ǵımarattarynyń kelýshiler kózine birden shalynatyn oryndarynda ózge memlekettik rámizdermen qatar, qabyrǵaǵa kórneki etip ilinip qoıylatyndyǵy belgili. Sondyqtan onyń útir-núktesine deıin durys jazylyp, barsha jurttyń, sonyń ishinde óskeleń urpaqtyń barynsha saýatty bolýyna septigin tıgizip turǵany jón.

«Halyqtyń kózi qyraǵy, minińdi kórip turady» demekshi, Memleket basshysy «Halyq únine qulaq asatyn memleket» qurý mindetin alǵa qoıyp otyrǵan qazirgi ýaqytta Mádenıet jáne sport mınıstrligindegi aǵaıyndar «jaýyrdy jaba toqymaı», memlekettik rámizderdi nasıhattap júrgen atyraýlyq azamat Rýslan Hamzanyń syndarly synynan tıisti nátıje shyǵarý jolyn izdestirse, quba-qup emes pe?         

 

Sońǵy jańalyqtar

Jigittermen kúsh synasqan arý

Ulttyq sport • Búgin, 08:43

Qytaıdan qalyp qoıdyq

Sport • Búgin, 08:42

Tabystary – 2 117 000 dollar

Sport • Búgin, 08:40

Sınsınnatıdegi týrnır bastaldy

Sport • Búgin, 08:38

Úzdik qurylysshylar marapattaldy

Qoǵam • Búgin, 08:37

Olımpıadadan keıingi oılar

Sport • Búgin, 08:35

Jarys qyzǵan shaǵyna jetti

Sport • Búgin, 08:34

Tehnopark tegin oqytady

Qoǵam • Búgin, 08:32

Balalarǵa arnalǵan startaptar

Qoǵam • Búgin, 08:30

Julynqurt laboratorııasy áshkerelendi

Aımaqtar • Búgin, 08:27

«Talgodaǵy» talan-taraj

Qoǵam • Búgin, 08:25

Shalǵaıdaǵylar shaǵym aıtady

Bilim • Búgin, 08:22

Jańa mektepter kóbeıedi

Bilim • Búgin, 08:20

Jalbyz ben jaýynqurt ósiredi

Qoǵam • Búgin, 08:17

Moıynqumda mańyzdy máseleler aıtyldy

Aımaqtar • Búgin, 08:13

Jańa Qazaqstan – sheteldikter kózimen

Saıasat • Búgin, 08:10

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar