Nur-sultan qalalyq polısııa departamentiniń málimetine boıynsha kólikterdiń VIN-kodtary boıynsha alaıaqtyq derekteri elde sońǵy kezderi jıilegen. Máselen byltyrdyń ózinde atalǵan zańbuzýshylyq boıynsha 5 derek tirkelipti.
Sonyń ishinde Nur-Sultan qalasynda tabylǵan Aýdı A6 avtokóliktiń syńary boıynsha is áli de tergep-tekserilip jatyr. Búginde kólikke sot-trasologııalyq saraptama taǵaıyndalǵan. Nátıjesi ázirge belgisiz. Quzyrly organ ókilderi alaıaqtyqtyń bul túri zańmen jazalanatynyn eskertedi.
Al mamandar, kóliktiń VIN-kodtary boıynsha qylmystyq isterdiń artýyn eldegi kólik baǵasynyń qymbattaýymen baılanystyryp otyr. Búginde temir tulparlardyń quny kúrt ósýine ne sebep bolǵanyn eshkim dóp basyp aıta almaıdy. Biri dollar baǵamynyń kóterilýine baılanysty dese, endi biri ishki naryqtyń tómendiginen deıdi.
Degenmen qandaı jaǵdaı bolmasyn, temir tulpar quny artty dep zańbuzýshylyqtar jasaýǵa bolmaıty belgili. Sondyqtan quzyrly organ qyzmetkerleri turǵyndardy mundaı aılakerlikten aýlaq bolýǵa shaqyrady.
Aıtolqyn MYRZAKARIM
