Onyń aıtýynsha, ótken jyly 56 nysanda jer qoınaýyn memlekettik geologııalyq zertteý júrgizildi, onyń nátıjeleri boıynsha paıdaly qazbalardy anyqtaýǵa arnalǵan perspektıvaly ýchaskeler anyqtaldy. Aıaqtalǵan jumystardyń nátıjeleri boıynsha boljamdy resýrstardyń ósýi boıynsha josparly kórsetkishterge tolyq kólemde qol jetkizildi: altyn – 12,6 tonna, kúmis – 96 tonna, mys – 65 myń tonna, qorǵasyn – 968 myń tonna, myrysh – 1,1 mln. tonna.
Sonymen qatar, vıse-mınıstr 2020 jyly paıdaly qazbalar qorynyń óskenin habarlady. Osylaısha, 111,5 tonna altyn, 55,4 myń tonna ýran, 13,8 mln.tonna temir keni jáne 31,7 mln. tonna munaı óndirildi.
«О́tken jyly «Qazgeologııa» AQ ınvestorlarmen birlesip jer qoınaýyn geologııalyq zertteý qorytyndylary boıynsha altyn óndirý boıynsha «Shekara», tústi jáne asyl metaldar - «Argo» perspektıvaly ýchaskelerin anyqtady. Kompanııada barlyǵy 47 ınvestısııalyq joba júzege asyrylýda», - dedi Serikqalı Brekeshev.
Vıse-mınıstr jyldyń mańyzdy qorytyndylarynyń biri retinde 2021-2025 jyldarǵa arnalǵan geologııalyq barlaýdyń memlekettik baǵdarlamasynyń jobasyn ázirleýdi atady, ol Memleket basshysynyń tapsyrmasyna sáıkes ulttyq joba bolyp qaıta qurylatyn bolady.
«Ulttyq joba mıneraldyq-shıkizat bazasynyń básekege qabilettiligin turaqty tolyqtyrý, damytý jáne qoldaýǵa jaǵdaı jasaý úshin el aýmaǵynyń geologııalyq zerttelýin arttyrýǵa baǵyttalǵan. Ol memlekettik bıýdjet jáne jeke ınvestısııalar esebinen júzege asyrylady», - dedi ekologııa mınıstriniń orynbasary.
Jyl qorytyndylarynyń ishinde «Eýrazııa» jobasy boıynsha jumystyń qaıta bastalǵanyn aıtýǵa bolady.
«Jobanyń negizgi maqsaty – tereńdigi ortalyq bóliginde 18-20 km jetetin Kaspıı mańy oıpatynyń tereńdik qurylysyn zertteý. 15 km deıingi asa tereń uńǵymany burǵylaý geologııalyq qımany zertteýge jáne kómirsýtekterdi izdestirýge qatysty basseın áleýetin baǵalaýǵa múmkindik beredi», - dep habarlady vıse-mınıstr.
Serikqalı Brekeshevtiń aqparaty boıynsha 2020 jyly «Sıfrlyq Qazaqstan» memlekettik baǵdarlamasy sheńberinde «Qazaqstan Respýblıkasynyń mıneraldyq resýrstarynyń ulttyq derekter banki» aqparattyq júıesin engizý boıynsha jumys júrgizildi.
«Júıeniń jumys isteýi ınvestorlarǵa geologııalyq aqparattyń elektrondy bazasyna qol jetkizýge múmkindik beredi», - dedi ol.
2021 jylǵa sala aldyna jer qoınaýyn memlekettik geologııalyq zertteýdi júrgizý, 70 obektide resýrstardy izdeý jáne baǵalaý, «QR mıneraldyq resýrstardyń ulttyq derekter banki» aqparattyq júıesin iske qosý jáne 2025 jylǵa deıin ortalyq jáne batys óńirlerde 2 Kern saqtaý qoımasyn salý boıynsha mindetter qoıyldy.
