Vıse-mınıstr Erlan Nysanbaevtyń aıtýynsha, mınıstrliktiń keńeıtilgen alqa otyrysynda qoldanystaǵy zańnamaǵa ózgerister men tolyqtyrýlar engizildi, bul balyq ósirýshilerge júktemeni azaıtýǵa múmkindik berdi.
«Qabyldanǵan sharalardyń nátıjesinde balyq resýrstaryn paıdalanǵany úshin jyldyq tólemniń ornyna toqsandyq tólem engizildi, bul bızneske qarjylyq júktemeni aıtarlyqtaı tómendetedi. Sondaı-aq, balyq sharýashylyǵyn júrgizý úshin balyq sharýashylyǵy sý qoımalaryn balyq aýlaý mártebesinen aýystyrý erejeleri bekitildi», - dedi ol.
Vıse-mınıstr atap ótken taǵy bir jańalyq - balyq sharýashylyǵyn júrgizýge arnalǵan úlgilik shartty bekitý jáne osy shartty jasasýdyń naqty merzimin 49 jylǵa belgileý. Bul bızneske balyq sharýashylyǵyna senimmen ınvestısııa salýǵa jáne uzaq merzimdi josparlar qurýǵa múmkindik beredi.
Jyldyń mańyzdy qorytyndysy – balyq sharýashylyǵyn damytýdyń 2030 jylǵa deıingi baǵdarlamasyn qabyldaý, onyń sheńberinde balyq ósirý kólemin jylyna 9-dan 270 myń tonnaǵa deıin ulǵaıtý, 1200-den astam jańa balyq ósirý sharýashylyǵyn qurý josparlanýda. Sala aldyna qoıylǵan mindetterdi tıimdi iske asyrý úshin Mınıstrlik janynan balyq sharýashylyǵy komıteti qaıta quryldy.
Sonymen qatar, balyq resýrstarynyń tabıǵı popýlıasııasyn saqtaý maqsatynda Mınıstrlik zańsyz balyq aýlaýshylarǵa 2020 jyly 82 mln.teńgeden astam aıyppul saldy, 6635 buzýshylyq anyqtaldy, 5249 adam ákimshilik jaýapkershilikke, 29 adam qylmystyq jaýapkershilikke tartyldy.
«2020 jyldyń basynan beri 85 mln-nan astam balyq shabaqtaryn qyrylý qaýpi bar jáne sý qoımalarynan jáne kúrish chekterinen qutqarý jumystary júrgizildi. Sondaı - aq, balyq sharýashylyǵy sý aıdyndarynda balyqtyń qyrylýyn boldyrmaý úshin qysqy kezeńde 500 myńnan astam tesik, 86 myńǵa jýyq qamys baý ornatýmen 16 myń maın burǵylandy»,-dedi vıse-mınıstr.
Sonymen qatar, Erlan Nysanbaev 2018 jyldan bastap 2020 jylǵa deıin Jaıyq ózeninde balyq júzetin arnalarda túbin tereńdetý jumystary júrgizilgenin, sondyqtan bul ózenderde balyq aýlaý 2018 jylmen salystyrǵanda orta eseppen 30%-ǵa artqanyn atap ótti.
«2020 jyly memlekettik tapsyrys aıasynda 69 mln.danadan astam qundy balyq túrleriniń shabaqtary, onyń ishinde 7 mln. dana bekire balyǵy ósirilip, balyq sharýashylyǵy sý aıdyndaryna jiberildi. Al sharttyq mindettemeler aıasynda balyq resýrstaryn paıdalanýshylar 126 mln. balyq shabaqtaryn shyǵardy», - dep atap ótti ol.
Vıse-mınıstrdiń málimetinshe, balyq resýrstarynyń tabıǵı qorlarynyń turaqty jaı-kúıiniń arqasynda 2020 jyly 47 myń tonna balyq aýlanyp, 9 myń tonnaǵa jýyq taýarly balyq ósirildi. Shıkizattyń bolýy 38 mln. AQSh dollary somasyna 24 myń tonna kóleminde balyq ónimderin óńdeýge jáne eksporttaýǵa múmkindik berdi.
