Koronavırýs • 15 Aqpan, 2021

Qazaqstanda «Spýtnık-V» vaksınasyn tirkeý aıaqtaldy

63 ret kórsetildi

Qaraǵandy farmasevtıkalyq kesheni Qazaqstan aýmaǵynda «Gam-KOVID-Vak» («Spýtnık – V») koronavırýstyq ınfeksııaǵa qarsy vaksınany tirkeý rásimin aıaqtady, dep habarlaıdy Egemen.kz.

Kásiporynnyń baspasóz qyzmeti habarlaǵandaı, 2021 jylǵy 13 aqpanda Qazaqstan Respýblıkasy Densaýlyq saqtaý mınıstrliginiń Saraptama uıymynyń, tirkeý dereknamasynyń materıaldaryn qaraý nátıjesi boıynsha vaksınanyń qaýipsizdigi, sapasy men tıimdiligi týraly qorytyndysy alyndy.

Atalǵan qorytyndy negizinde QR DSM Medısınalyq jáne farmasevtıkalyq baqylaý komıtetine tirkeý kýáligin alýǵa ótinim joldandy.

Osylaısha, Qazaqstan «Spýtnık-V» vaksınasyn qoldanýdy maquldaǵan 27-shi memleket boldy. Búgingi kúni vaksına Reseı, Belarýs, Argentına, Bolıvııa, Serbııa, Aljır, Palestına, Venesýela, Paragvaı, Túrkmenstan, Vengrııa, BAÁ, Iran, Gvıneıa Respýblıkasy, Týnıs, Armenııa, Meksıka, Nıkaragýa, Serb Respýblıkasy (Bosnııa jáne Gersegovına entıteti), Lıvan, Mıanma, Pákistan, Mońǵolııa jáne Bahreın sııaqty memleketterde tirkelgen.

Esterińizge sala keteıik, Qazaqstanda vaksına óndirý týraly sheshim QR Densaýlyq saqtaý mınıstrligi men Reseıdiń tikeleı ınvestısııalar qorynyń komıssııasy qazaqstandyq farmasevtıkalyq kásiporyndaryna júrgizilgen saraptamalarynyń nátıjesinde qabyldanǵan bolatyn. QFK alańy reseılik sýbstansııadan daıyn ónimdi óndirýge anaǵurlym daıyn bolyp shyqty. RTIQ mamandary júrgizgen tehnıkalyq aýdıt nátıjesi óndiristik alańnyń koronavırýsqa qarsy vaksınanyń daıyn túrin shyǵarý úshin barlyq talaptarǵa sáıkes keletinin rastady.

Aldyn ala esepteýler boıynsha, osy jyldyń aqpan aıynyń sońynda elimizdiń barlyq óńirlerine QFK óndirgen «Spýtnık - V» vaksınasynyń 90 myńǵa jýyq dozasyn jetkizý josparlanýda.

Densaýlyq saqtaý mınıstrliginde atap ótkendeı, Qazaqstanda óz ázirleýshileriniń bolýy, sondaı-aq vaksınalar óndirisi úshin jergilikti alańdardyń bolýy – bul vaksınamen qamtamasyz etýge baılanysty táýekelderdi azaıtýǵa jáne elimizdiń epıdemıologııalyq ahýalynyń turaqtanýyna eleýli yqpal etýge múmkindik beredi.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar