Baıqaýda oqýshylar «Batyrlar urany», «Girl on fire» atty ánderdi aıtyp, vokal nomınasııasy boıynsha synǵa tústi. Segizinshi synyp oqýshylary Ýálıhan Ibadýlla men Syrsuńqar Bazarbaıuly I oryndy ıelense, 9-synyptyń bilim alýshysy Jansaıa Joldasbek II orynmen marapattaldy.
20 memlekettiń ónerpazdarynyń basyn qosqan bul kópjanrly baıqaýda balalar shyǵarmashylyǵyn belgili mýzykanttardan quralǵan qazylar alqasy baǵalady.
– Jeńimpaz oqýshylar – blimmen qatar ónerdi alyp júrgen mekteptiń belsendileri. Biri burynnan án salsa, endi biri mektepke kelgeli vokaldyq daǵdylaryn damytýda. Bul jetistikteri aldaǵy ýaqytta jańa belesterdi baǵyndyrýǵa úlken sep bolady, – deıdi án-áýez pániniń muǵalimi Jarasbek О́tebaev.
Aıta keteıik, júldeli oryndardy ıelengen oqýshylar mamyr aıynda Ispanııada ótetin «SEA SUN FESTIVAL» halyqaralyq festıvaline jeńildikpen qatysý múmkindigine ıe boldy.
