«Alynǵan sertıfıkattarǵa jasalǵan taldaý qyzylordalyq kásipkerlerdiń jyl basynan beri shet elderge kúrish, balyq ónimderin, munaı, vanadıı rýdasyn, kalsıı molıbdatyn, kvarstyq qum, sement eksporttaǵanyn kórsetip otyr. Atalmysh ónimder Reseıge, Belarýssııaǵa, О́zbekstanǵa, Ýkraınaǵa, Tájikstanǵa, Ázirbaıjan men Qyrǵyzstanǵa, Monǵolııaǵa, Qytaıǵa, Taıvanǵa, Latvııa men Shveısarııaǵa jetkizilýde», - deıdi palata dırektory.
Al «ST-KZ» formaly sertıfıkattar iri qara mal etine, shubatqa, shyny plastık qubyrlaryna, munaı óndirýge baǵyttalǵan qurylǵylarǵa, arnaıy óńdeý jıyntyǵyna, gaz tárizdes jáne medısınalyq kıslorod pen azotqa rásimdelgen. Sertıfıkattar «Ysamaddın», «Atabas» sharýa qojalyqtaryna, «Novomet-Kazaqstan», «О́rken Álem», «Merkýr-StroıServıs», «Kompozıttik qubyrlar zaýyty» jaýapkershiligi shekteýli seriktesterine berilgen.
Bıylǵy jyldyń alǵashqy ındýstrıaldy sertıfıkatyn «JSoft» JShS alyp otyr. Atalmysh mekeme kompıýterlik baǵdarlamalyq jasaqtamany paıdalaný quqyǵyna lısenzııa berý boıynsha qyzmetter men aqparattyq júıeni qurý jumystarymen aınalysady.
