Basylymnyń málimeti boıynsha qazaq boksshysynyń qarsylasy 33 jastaǵy ganalyq «the Miracle» (ǵajaıyp, sıqyr) laqap atyna ıe Obodaı Saı (35-3-1, 26 KO) bolmaq. Jekpe-jek AQSh-tyń Maıamı qalasynda ótedi dep josparlanǵan. Osylaısha, Qanat Islam 14 aı úzilisten keıin úlken rıngke qaıta oralady. Eń keıingi kezdesýin ol 2019 jyly Almatyda ótkizip, WBO International tıtýly úshin aıqasta namıbııalyq Ýolter Kaýtondokvany (18-2, 17 KO) jeńgen edi. Buǵan deıin sheteldik basylymdar Q.Islamnyń meksıkalyq Haıme Mýngııamen (36-0, 29 KO) judyryqtasýy múmkin ekenin habarlaǵan edi.
