Jedel-aldyn alý is-sharalarynyń basty maqsaty – Qostanaı oblysynyń aýmaǵynda bolý merzimi ótip ketken sheteldikterdiń quqyqtyq mártebesin retteý, vızalar, jumysqa ruqsat berý, sondaı-aq ákimshilik zańnamany buzýshylardy anyqtaý bolyp tabylady.
Jedel-aldyn alý is-sharasy ótkizilgen eki kún ishinde elde belgilengen merzimnen artyq zańsyz júrgen jáne eńbek qyzmetin zańsyz júzege asyrǵan, elde bolý merzimin buzǵan 11 sheteldik azamat ákimshilik jaýapkershilikke tartyldy.
Sheteldikterdiń kelgeni týraly ýaqtyly habarlamaǵany úshin sheteldikterdi qabyldaǵan 33 azamatqa qatysty ákimshilik sharalar qoldanyldy. 28 sheteldik azamattyń quqyqtyq mártebesi retteldi.
Qostanaı qalasy Polısııa basqarmasynyń kóshi-qon qyzmetiniń qyzmetkerleri “Damý” qoǵamdyq qorymen birlese otyryp, elshilik arqyly О́zbekstan Respýblıkasynyń 1990 jyly týǵan azamaty men Tájikstan Respýblıkasynyń 1985 jyly týǵan azamatyna jeke basyn kýálandyratyn qujattaryn qalpyna keltirýge jáne elderine oralý úshin bıletter satyp alýǵa kómektesti.
Sondaı-aq, “Mıgrant” jedel-aldyn alý sharasy aıasynda Jitiqara jáne Naýyrzym aýdandarynyń krımınaldyq polısııa qyzmetkerleri izdeýde júrgen eki kúdiktini ustady.
Polısııa qyzmetkerleri sheteldik azamattardyń quqyqtyq mártebesin retteý úshin qalalar men aýdandardyń polısııa bólimderine, oblys ortalyǵynda Táýelsizdik kóshesi, 114 meken-jaıynda ornalasqan kóshi-qon qyzmetine júginý qajet ekenin eske salady.
