"Qazaq televızııasynyń ardageri, belgili jýrnalıst, tanymal zııaly azamat Nurtileý Imanǵalıulynyń mezgilsiz qazasyna baılanysty otbasy men jaqyn-týǵandarynyń qaıǵylaryna ortaqtasyp kóńil aıtamyn.
Búkil sanaly ǵumyryn ulttyq baspasóz salasyna arnaǵan aǵamyz shynshyl da shynaıy bolmysymen, júrgizýshilik sheberligimen talaı baǵdarlamalardyń tizginin ustap, kógildir ekrannan ózekti de ótkir taqyryptardy kótergen edi.
О́zine qarap boı túzegen jas jýrnalıster qatarynan san býyn shákirt tárbıeledi, telejýrnalıstıkada ózindik mektep qalyptastyra bildi.
Aǵamyzdyń jasaǵan isteri men jarqyn beınesi qalyń kópshiliktiń jadynda, dos-jaran, áriptesteriniń esinde máńgilik saqtalady.
Marqumnyń jatqan jeri jaryq, topyraǵy torqa bolyp, nury peıishte shalqysyn" - dep jazdy Aıda Balaeva.
