Jedel aldyn alý sharasy barysynda ruqsat qujattarynyń merzimi ótip ketken jáne zańsyz jumys istep júrgen 11 sheteldik azamat ákimshilik jaýapkershilikke tartyldy. Sondaı-aq 33 azamat ózderine sheteldikterdiń kelgeni týraly ýaqtyly habarlamaǵany úshin ákimshilik aıyppul arqalady.
Qostanaı qalalyq polısııa basqarmasy kóshi-qon qyzmeti men «Damý» qoǵamdyq qorynyń qyzmetkerleri elshilik arqyly О́zbekstan men Tájikstannan kelgen eki azamattyń jeke basyn kýálandyratyn qujattaryn qalpyna keltirýge kómektesip, olarǵa otanyna qaıtý úshin bılet satyp alyp berdi.
«Sondaı-aq, «Mıgrant» jedel aldyn alý sharasy aıasynda Jitiqara jáne Naýyrzym aýdandarynyń krımınaldyq polısııa qyzmetkerleri izdestirilip jatqan eki qylmyskerdi ustady», - dedi oblystyq PD baspasóz qyzmetiniń mamany Kenje Qonysbaı.
Kóshi-qon tártibin tekserý sharalary 19-aqpanǵa deıin jalǵasady.
