Túrkistan oblysynda aqpan aıynyń 15-si men 19-y kúnderi aralyǵynda “Mıgrant” jedel-profılaktıkalyq is-sharasy ótkizilýde. Negizgi maqsat – Qazaqstan Respýblıkasyna kelý, bolý jáne Qazaqstan Respýblıkasynan ketý Erejeleriniń saqtalýyn qadaǵalaý, Túrkistan oblysy aýmaǵynda bolý merzimi ótip ketken sheteldikterdiń quqyqtyq mártebesin retteý, vızalar, jumysqa ruqsat berý, sondaı-aq ákimshilik zańnamany buzýshylardy anyqtaý bolyp tabylady.
Atalǵan is-sharanyń eki táýliginde oblys aýmaǵynda barlyǵy – 242 sheteldik pen QR-sy azamattary anyqtalyp, ákimshilik jaýapkershilikke tartyldy. Onyń ishinde: 141-i sheteldik, 87-si QR azamattary. Atalǵan quqyq buzýshylardyń 45-ine ákimshilik aıyppuldar salynyp, 87-sine eskertý berilgen. О́zge eldiń 27 azamaty sot sheshimimen el aýmaǵynan shyǵaryldy.
Shetel azamatyn zańsyz turǵyn úımen qamtamasyz etken – 87 adam, sondaı-aq shetel jumys kúshin zańsyz paıdalanǵan – 14 Qazaqstan Respýblıkasynyń azamattary anyqtalyp, olarǵa qatysty QR ÁQBtK-niń 518 jáne 519-baptarynyń talaptaryn buzǵandary úshin ákimshilik jaýapkershilik qaraldy.
Sonymen birge “Mıgrant” profılaktıkalyq is-sharasy barysynda zańsyz kóshi-qondy uıymdastyrýdyń eki dáıegi anyqtalyp (QR QK-niń 394-baby), qazirgi tańda sotqa deıingi tergep-tekserý jumystary júrgizilýde.
Esterińizge sala ketsek, “Mıgrant” jedel-profılaktıkalyq is-sharasy aqpan aıynyń 19-yna deıin jalǵasyn tabady.
