Brıfıng barysynda Agenttiktiń ótken jylǵy Memlekettik qyzmetterdi kórsetýdi baqylaý salasyndaǵy jumysynyń qorytyndysy shyǵarylyp, memlekettik qyzmetterdi kórsetýdi jetildirý máseleleri talqylandy.
Memlekettik qyzmet isteri agenttigi qyzmetiniń basym baǵyttarynyń biri halyqqa sapaly memlekettik qyzmet kórsetýdi qamtamasyz etý bolyp tabylady.
Agenttiktiń memlekettik kórsetiletin qyzmetter departamenti dırektory Ildar Úısimbaevtyń aıtýynsha Memleket basshylyǵynyń tapsyrmasyn iske asyrý sheńberinde tizilimdegi memlekettik qyzmetterdiń jalpy sanynyń 90% - dan astamy elektrondyq formatqa aýystyryldy.
«Sońǵy jyldary elektrondyq nysanda kórsetilgen memlekettik qyzmetterdiń úlesi eki esege ósti (2017 jylǵy 53,1% - dan 2020 jyly 82,9% - ǵa deıin). Memlekettik qyzmet kórsetý rásimderin buzý sany 3 eseden astam azaıdy (370 myńnan 114 myńǵa deıin)»- dedi Ildar Úısimbaev.
Bul rette, osy baǵyttaǵy oń ózgeristerge qaramastan, Agenttik qyzmetterge qoljetimdilik monıtorıngi sheńberinde "elektrondyq úkimet" portalynda qoljetimsiz 54 qyzmetti anyqtady.
Anyqtama retinde: jumys istemeıtin qyzmetterdiń kópshiligi kelesi memlekettik organdardyń quzyretine tıesili: SIM (45,5%), Eńbekmıni (21,4%), BǴM (20,8%), DSM (16,2%), IIM (12,8%), MSM (11,5%), AShM (10,5%), Qarjymıni (8,7%), SDIAО́M (7,7%), UEM (7,1%), EM (5%), Ádiletmıni (3,8%), RRFR (3%), EGTRM (2,4%), IIDM (0,9%).
«Mysaly, dárigerdiń qabyldaýyna jazylý, mindetti memlekettik tirkeýge jatpaıtyn jyljymaly múlik kepilin tirkeý sııaqty jáne t.b memlekettik qyzmetterdi alý boıynsha tıisti portal tehnıkalyq turǵyda qoljetimsiz bolǵan»- dedi Ildar Úısimbaev.
Qyzmet alýshylardyń ótinishterin sapaly qaraý jáne olardyń buzylǵan quqyqtaryn qalpyna keltirý Agenttiktiń basym baǵyttarynyń biri bolyp tabylady.
2020 jyly Agenttikke jáne onyń aýmaqtyq bólimshelerine 1442 ótinish kelip tústi.
Kórsetiletin qyzmetti berýshilerdiń jer qatynastary (30%), Áleýmettik sala (14%) jáne turǵyn úı-kommýnaldyq sharýashylyq (11%) salalaryndaǵy zańsyz is-áreketterine jıi shaǵym jasalady.
Ortalyq memlekettik organdar arasynda kórsetiletin qyzmetti alýshylar "Azamattarǵa arnalǵan úkimet" memlekettik korporasııasy (16% nemese 141), polısııa (5% nemese 47) jáne eńbek jáne halyqty áleýmettik qorǵaý (2,2% nemese 20) qyzmetkerleriniń áreketterine jıi shaǵymdanady.
Jergilikti atqarýshy organdar qyzmetkerleriniń áreketine 520 ótinish kelip túsken (túsken ótinishterdiń jalpy sanynyń 36%).
«Agenttik tek ótinishterdiń negizinde 266 jospardan tys tekserý júrgizdi, qorytyndysy boıynsha memlekettik organdardyń 207 qyzmetkeri tártiptik jaýapkershilikke tartyldy. 33 laýazymdy tulǵa ákimshilik jaýapkershilikke tartyldy. 90% jaǵdaıda qyzmet alýshylardyń quqyqtary qalpyna keltirildi»-dep atap ótti Ildar Úısimbaev.
Jalpy, ótken jyly Agenttik baqylaý fýnksııalary sheńberinde 646 tekserý is-sharalaryn júrgizdi.
Memlekettik qyzmet kórsetý salasynda anyqtalǵan zań buzýshylyqtardy, olardy jasaýǵa yqpal etetin sebepter men jaǵdaılardy joıý jóninde 446 nusqaýlyq engizildi.
Tekserý nátıjeleri boıynsha qyzmet berýshilerdiń 646 qyzmetkeri tártiptik jaýapkershilikke tartyldy (ákimdikter – 434, ortalyq memlekettik organdar men olardyń vedomstvolary – 212), onyń ishinde 25,5% (165) qyzmet kórsetýshilerdiń basshylyq quramyna keledi.
Memlekettik qyzmet kórsetý salasynda 114 myńnan astam zań buzýshylyq anyqtaldy, onyń ishinde ortalyq memlekettik organdar men olardyń vedomstvolary zańnama talaptaryn saqtamaýda 87,5 myń faktige, jergilikti atqarýshy organdar 26,5 myń faktige jol bergen.
Anyqtalǵan olqylyqtardyń 80,5% -y (91,8 myń fakt) kórsetiletin qyzmetti alýshylardan artyq qujattardy talap etý bolyp tabylady.
Ruqsat berý merzimderin, tártibin buzǵany, sondaı-aq olardy berýden negizsiz bas tartqany úshin ákimshilik quqyq buzýshylyq týraly 410 hattama toltyryldy. Qaraý nátıjeleri boıynsha 174 laýazymdy tulǵa quqyq buzýshylyqtarǵa jol bergen (OMO qyzmetkerleri – 148, JAO qyzmetkerleri - 26).
Memleket kirisine aıyppul túrinde 10,5 mln. teńge óndirilgen.
Agenttiktiń usynysy boıynsha azamattyq qoǵamnyń belsendi ókilderiniń qatysýymen «qoǵamdyq baqylaý» ınstıtýty engizildi.
Qoǵam ókilderi baqylaýdy vızýaldi túrde qaraý, memlekettik organdar men uıymdarǵa kelýshilermen áńgimelesý arqyly júzege asyrady.
2020 jyly azamattyq qoǵam ókilderi memlekettik qyzmet kórsetetin 300 – den astam nysandarda baqylaýdy júzege asyryp, nátıjesinde olqylyqtardy joıý jóninde 287 usynym engizilip, 9 laýazymdy tulǵa tártiptik jaýapkershilikke, 1-i ákimshilik jaýapkershilikke tartyldy.
Atqarylǵan 245 usynym qorytyndysy boıynsha qoǵam ókilderi post-baqylaýdy júzege asyrdy, qazirgi kezeńde 42 usynym oryndalý prosesinde.
О́z usynymdarynda qoǵam ókilderi qyzmet kórsetýshilerdi óz qyzmetin azamattardyń ál-aýqatynyń deńgeıin arttyrýǵa, memlekettik qyzmetterdiń ashyqtyǵyn kúsheıtýge, olardyń adamdar men bıznestiń qajettilikteri men múddelerin eskerýge shaqyrady.
