«Qazirgi tańda oblystyq mańyzy bar joldarǵa arnaıy 5 mekeme qyzmet etedi. Al respýblıkalyq mańyzy bar joldarǵa arnaıy 1 mekeme qyzmet kórsetedi. Qalaishilik joldar úshin de 1 mekeme jaýap beredi. Bul mekemeler qazir qala joldaryndaǵy qaýipsizdikti qamtamasyz etýde», - dedi Manas Bitimov.
Aıta keteıik, respýblıkalyq mańyzy bar joldarǵa 10 tehnıka, 25 qyzmetker jumyldyryldy. Oblystyq mańyzy bar joldarda 35 tehnıka, 65 qyzmetker qyzmet etip jatyr. Joldyń túsetin bóligi (spýsk) men burylystarǵa 30 t ınertti materıal sebildi. Al qalaishilik joldarǵa 221 t ınertti materıal sebildi. Oǵan 25 qyzmetker, 10 tehnıka atsalysty. Spıkerdiń málimetinshe, atalǵan avtojoldarǵa qosymsha tehnıka kózdelýde.
«Eń qaýipti joldar: «Aqtaý-Fort-Shevchenko», 43 km bastap Qalamqas kenornyna deıin jáne Taýshyq-Shetpe baǵyttary. Al «Aqtaý-Jańaózen», «Aqtaý-Quryq» baǵytyndaǵy jol taza. Eger qar jaýýy toqtamasa joldardy jabýymyzǵa týra keledi. Qala turǵyndaryn osy aptada shama kelgenshe alys jolǵa shyqpaýǵa shaqyramyn. Jolǵa shyqqan jaǵdaıda avtokóliktiń dóńgelekterin qystyq túrine aýystyryp, basqa da qural-jabdyqtaryn muqııat tekserýi qajet», - dedi Manas Bitimov.
