Bul baǵyttaǵy jumystardy júzege asyrý úshin Shymkent qalasynyń densaýlyq saqtaý basqarmasy men Medical Nomad Association Ortalyq Azııadaǵy densaýlyq pen mádenıetti damytý jónindegi Shveısarııa qaýymdastyǵynyń ókilderi arasynda kelisim jasaldy.
Kelisim aıasynda qaladaǵy memlekettik medısınalyq uıymdardaǵy dárigerler Eýropa elderinde bilimin jetildiredi jáne medısınalyq týrızmdi damytý boıynsha jumys júrgiziletin bolady.
Densaýlyq saqtaý basqarmasynyń basshysy Baqytjan Pozılovtyń aıtýynsha, qalada ár túrli mamandyq boıynsha 4169 dáriger bar, olardyń birqatary búginge deıin shet memlekette biliktiligin arttyrǵan eken. Joǵaryda jasalǵan kelisim negizinde bıylǵy jyly 21 dáriger shet elge oqýǵa jiberiletin bolady deıdi.
Dárigerler neırohırýrgııa, jalpy hırýrgııa, oftalmalogııa, otolorıngologııa salasy boıynsha biliktiligin arttyrady. Eýropa elderine baratyn mamandarǵa qoıylatyn talap aǵylshyn tilinde erkin sóıleýi qajet deıdi basqarma mamandary.
Sondaı-aq atalǵan kompanııa óz qarajatynan týrızmdi damytý úshin dárigerlerdi Shveısarııada oqytýdy josparlap otyr.
Shymkent qalasy ákimdiginiń baspasóz qyzmeti
