Onyń aıtýynsha, basqarma qoımasynda bir ýaqytta 200 myńǵa jýyq vaksına dozasyn saqtaýǵa bolatyn tórt muzdatqysh qondyrǵy bar.
«Vaksınanyń ózi SQ-Farmasııa habynan avtorefrıjeratorlarda mınýs 18-20 gradýsta jetkiziledi. Jetkizýdiń barlyq kezeńderinde sýyq temperatýra saqtalady. Ári qaraı, osy vaksınalardy barlyq standarttarǵa sáıkes qoımaǵa qabyldaımyz. Alǵashqy medısınalyq-sanıtarııalyq kómek uıymdaryna vaksına termokonteınerlerde jetkiziledi, olarda termotirkegishter nemese termoındıkatorlar bolady. Solar arqyly tasymaldaýdyń barlyq kezeńderinde temperatýralyq rejımniń saqtalýyn tekseremiz», dep túsindirdi spıker Nur-Sultan qalasynyń ákimdiginde ótken onlaın brıfırngide. Árbir medısınalyq uıymda vaksınanyń saqtalýy men tasymaldanýyna jaýap beretin, arnaıy oqytýdan ótken medısına qyzmetkeri bekitilgen. «Olar táýligine eki ret – tańerteń jáne keshke tońazytqysh jabdyǵynyń temperatýrasyn tekseredi jáne munyń barlyǵy temperatýrany esepke alý jýrnalyna jazylady. Eger termodatchıkter tasymaldaý sharttary buzylǵanyn anyqtasa, naqty sharalar qabyldanatyn bolady», deıdi Á. Rústemova.
Aıta keteıik, elordamyzda vaksınasııalaýdyń úshinshi aptasy aıaqtaldy. Vaksınalaý emhanalar, ınfeksııalyq stasıonarlar, jedel medısınalyq járdem, alǵashqy medısınalyq sanıtarlyq kómek uıymdary, kópbeıindi stasıonarlardyń qabyldaý bólimderiniń medısına qyzmetkerlerine ótkizilýde. Tıisti kontıngent ishinde 6 300 adamnyń 1 980-i vaksına aldy. Olardyń arasynda asqyný anyqtalǵan joq. Sonymen birge, Álııa Rústemova «Shet elde Pfizer nemese Moderna vaksınalary salynsa, Qazaqstanda qabyldana ma?» degen suraqqa jaýap berdi.
