Almaty oblysynda jaýyn-shashyn bolady, keı jerlerde qatty jaýyn-shashyn (jańbyr, qar) kútiledi. Sondaı-aq tuman, jaıaý burqasyn, kóktaıǵaq boljanady. Ońtústik-batystan soǵatyn jel soltústik-batysqa aýysyp, ekpini 23-28 m/s jetýi yqtımal. Kúndiz aýa temperatýrasy 11-16, keı jerlerde 1-6 gradýs jylydan 5-10 gradýs aıazǵa deıin tómendeıdi. Jambyl oblysynda jaýyn-shashyn, keı jerlerde qatty jaýyn-shashyn (jańbyr, qar) jaýady. Sonymen qatar, tuman, jaıaý burqasyn, kóktaıǵaq kútiledi.
Ońtústik-batystan soǵatyn jel soltústik-batysqa aýysyp, ekpini 30 m/s jáne odan joǵary kóterilýi múmkin. Kúndiz aýa temperatýrasy 20-25, keı jerlerde 10-15, soltústikte 1-6 gradýs jylydan 5-10 gradýs aıazǵa deıin tómendeýi múmkin. Túrkistan oblysynyń taýly aımaqtarda qatty qar jaýady. Keı jerlerde tuman, kóktaıǵaq kútiledi.
Ońtústik-batystan soǵatyn jeldiń kúshi keı jerlerde 15-20 m/s, taýly aımaqtarda 30 m/s jáne odan joǵary bolatyny boljanady. Kúndiz aýa temperatýrasy 21-26, keı jerlerde 11-16 gradýs jylydan 0-5 gradýs aıazǵa deıin tómendeýi yqtımal.
Qyzylorda, Batys Qazaqstan oblystarynyń keı jerlerinde tuman kútiledi. Aqtóbe oblysynyń keı jerlerinde tuman, jaıaý burqasyn bolady. Ońtústik-batystan, batystan jel soǵady, kúndiz keı jerlerinde ekpini 18 m/s artady. Qostanaı oblysynyń keı jerlerinde jaıaý burqasyn, tuman kútiledi. Ońtústik-batystan jel soǵady, kúshi kúndiz keı jerlerde 15-20 m/s jetedi. Kúndiz Soltústik Qazaqstan oblysynyń keı jerlerde jaıaý burqasyn kútiledi.
Ońtústik-batystan jel soǵady, kúndiz kúshi keı jerlerde 15-20 m/s artady. Shyǵys Qazaqstan oblysynda qar, keı jerlerde qatty qar jaýady. Sondaı-aq burqasyn, kóktaıǵaq kútiledi.
Ońtústik-batystan soǵatyn jel soltústik-shyǵysqa aýysady, kúshi keı jerlerde 15-20 m/s, 23-28 m/s artady. Aýa temperatýrasy 2-7 gradýs jyly, keı jerlerde 2-7 gradýs aıazdan 20-25 gradýs aıazǵa deıin kúrt tómendeıdi.
Sondaı-aq sınoptıkterTúrkistan men Jambyl oblystarynda qatty jaýyn-shashynnyń boljamyna baılanysty 20 aqpanda taý bókterlerinde sý aǵyny bolyp, ózender arnalarynan asatynyn eskertýde.
