Kelip túsken jańa dozalar birinshi kezeńde vaksınasııalaý úshin belgilengen qalalyq emhanalarǵa tapsyryldy. Aýrýhanalardyń medısınalyq qyzmetkerlerin, jedel-járdem brıgadalarynyń feldsherlerin, súzgi kabınetiniń qyzmetkerlerin jáne ózgelerin vaksınasııalaý ary qaraı jalǵasady.
Tıisti ekinshi ekpesin 21 kúnnen keıin Qoǵamdyq densaýlyq saqtaý basqarmasynyń basshysy Tımýr Muratov ta aldy. Emshara bólmesiniń qyzmetkerleri basqarma basshysynyń jaǵdaıyn suraǵan kezde densaýlyǵy oıdaǵydaı ekenin jetkizdi.
"Kishkene álsizdik baıqaldy. Biraq vaksınadan keıingi múmkin bolatyn áserlerden habardar edim. Koronavırýs juqtyryp, aýyryp qalý qorqynysh sezimi oǵan qarsy ekpe alýdan áldeqaıda joǵary", - dep atap ótti T. Muratov.
Jalpy elorda boıynsha vaksınasııalaý bastalǵaly beri 2008 adam ekpe aldy. Josparda 5 700 adamǵa ekpe saldyrtý bar.
