Kezdesýde taraptar iskerlik baılanystar jáne yntymaqtastyqty damytý máseleleri jóninde áńgimelesti. Lıtvanyń Qazaqstanmen saýda-ekonomıkalyq jáne mádenı-gýmanıtarlyq baılanystary artyp keledi. 1992 jyldan bastap eki el arasynda dıplomatııalyq qatynastar ornady. Lıtva – Qazaqstannyń iri saýda seriktesteriniń biri.
Qala ákimi qurmetti qonaqtardy aldymen Lıtva halqynyń ótken mańyzdy merekesi – Lıtva memlekettiliginiń qalpyna kelý kúnimen (16 aqpan) quttyqtady.
Murat Dúısenbekuly Shymkent respýblıkalyq mańyzy bar qala mártebesine saı damyp kele jatqanyn, ınvestısııaǵa qolaıly orta qalyptasqanyn atap ótti. Qala ákimi jańa ındýstrııalyq jáne agroónerkásiptik aımaqtardyń ashylyp jatqanyn aıta kele, lıtvalyq kompanııalardy birlesken jobalardy júzege asyrýǵa shaqyrdy.
– Shymkentte sońǵy jyldary bıznes júrgizý shyǵyndaryn azaıtý, ákimshilik prosedýralardy jeńildetý, salyq jáne tarıftik josparlardy jaqsartý boıynsha keshendi sharalar júzege asyrylýda. Shaharda qolaıly ınvestısııa jáne jobalardy júzege asyrý úshin barlyq jaǵdaılar jasalǵan. Bizdiń basty maqsatymyz – qalany adamdardyń ómirine jáne bıznes júrgizýge yńǵaıly baǵytta damytý. Bul baǵytta biz ınvestısııalyq qoǵamdastyqtarmen yntymaqtastyqty damytýǵa daıynbyz. Lıtvalyq kompanııalardy túrli salalarda – týrızm, ónerkásip jáne aýylsharýashylyq sektory, kólik jáne logıstıka, óndiris, aqparattyq tehnologııalar, mashına jasaý baǵyttarda ınvestısııa salýǵa shaqyramyn, - dedi qala ákimi.
Shahar basshysy qalany damytýdaǵy yntymaqtastyqtyń ózekti máseleleri boıynsha ashyq jáne syndarly dıalogqa daıyn ekenin málimdedi. Sondaı-aq Kásipkerler Palatasynda lıtvalyq qonaqtardyń shymkenttik kásipkerlermen kezdesýi josparlanǵan.
