Soltústik Qazaqstan oblysy densaýlyq saqtaý basqarmasy baspasóz qyzmetiniń málimetinshe, Petropavlda bolǵan jarylystan 16 adam zardap shegip, aýrýhanalarǵa jetkizildi. Olardyń bireýi – 24 jastaǵy jigit qalalyq kópbeıindi aýrýhanada qaıtys boldy. Qazir bul emdeý mekemesinde 20 jastaǵy qyz jansaqtaý bólimshesinde jatyr. Jaǵdaıy nashar. Bes adam ambýlatorlyq emdelýge úılerine jiberildi. Em alyp jatqan taǵy altaýynyń jaǵdaıy ortasha.
«10 jasar bala oblystyq balalar aýrýhanasyna tústi. Onyń da jaǵdaıy ortasha. 1997 jyly týǵan eki er adam oblystyq kópbeıindi aýrýhananyń jansaqtaý bóliminde jatyr, jaǵdaılary aýyr. Jalpy zardap shekkenderdiń ortasha jasy 20-25 aralyǵynda. Eń eresegi – 43 jasta», deıdi SQO densaýlyq saqtaý basqaramasynyń baspasóz hatshysy Gúlnar Saılaýqyzy.
Esterińizde bolsa, 21 aqpan kúni Petropavldaǵy 5 qabatty úıdiń birinshi qabatynda aldyn ala boljam boıynsha gaz ballony jarylyp, arty órtke ulasqan edi. Bir adamnyń denesi úıindi astynan tabylyp, ekinshisi aýrýhanada kóz jumdy. Bul oqıǵa boıynsha qylmystyq is qozǵalyp, SQO prokýrory tergeý barysyn óz baqylaýyna aldy.
