Marzııa Toıshybekqyzy Shymkent qalasyndaǵy jedel járdem stansııasynda 32 jyldan beri eńbek etedi. Jedel medısınalyq kómek kórsetý stansııasynyń qyzmetkeri ómirge qaýip tóndiretin jaǵdaılar, jazataıym oqıǵalardan zardap shekken azamattarǵa shuǵyl medısınalyq kómek kórsetedi. 
– 103 qyzmetinde sátti reanımasııalyq kómek kórsetý óte mańyzdy. О́ıtkeni, biz sátti reanımasııalyq kómek kórsetý arqyly júregi toqtap qalǵan naýqastardy ajaldan arashalap qalamyz. Birneshe jyl buryn sátti reanımasııa jasaǵanym erekshe esimde qaldy. Qaladaǵy dámhanalardyń birinen shaqyrtýǵa túsken. Infarkt alǵan er kisige shuǵyl medısınalyq qyzmet kórsettik. Reanımasııalyq kómek kórsetý óte qıyn ótti. Degenmen barlyǵy sátti aıaqtalyp, naýqasty kardıologııalyq ortalyqqa jetkizdik. Osyndaı árbir kúrdeli jaǵdaılarda shyńdalyp, tájirıbemdi arttyryp kelemin, – deıdi feldsherdiń ózi.
M.Ospanova – qazirgi ýaqytta jedel járdem qyzmetindegi feldsherlerdiń tálimgeri. Olarmen únemi praktıkalyq daǵdylar boıynsha oqytý júrgizedi. Túrli shuǵyl jaǵdaılarda naýqastardy qutqarady jáne kómek kórsetýde aıanbaı eńbek etip keledi. Marzııa Ospanova birneshe ret respýblıkalyq saıystarǵa qatysyp, úzdikter qatarynan kóringen.
