Qarjy • 23 Aqpan, 2021

Qazaqstanda ulttyq tólem júıesi qurylady

19 ret kórsetildi

Qazaqstandyq memlekettik organdar - Úkimet, Ulttyq bank jáne Qazaqstan Respýblıkasynyń Qarjy naryǵyn retteý jáne damytý agenttigi 2021-2023 jyldarǵa arnalǵan makroekonomıkalyq saıasat jónindegi sharalardy úılestirý týraly kelisimge qol qoıady, dep jazady Egemen.kz 

Halyqqa ulttyq tólem júıesin, sondaı-aq áleýmettik ámııandardy paıdalaný usynylady. Bul týraly Qazaqstan Respýblıkasy Ulttyq Bankiniń tóraǵasy Erbolat Dosaev Qazaqstan Respýblıkasy Úkimetiniń otyrysynda aıtty.

Fıskaldyq saıasattyń kontrsıkldik sıpatyn arttyrý úshin Úkimet Ulttyq bankpen birge 2022 jyldan bastap bıýdjettik tártip pen ekonomıkanyń syrtqy kúızelisterge beıimdelýin arttyratyn jańa bıýdjettik ereje engizýdi qamtamasyz etedi. Sonymen qatar, halyqqa jańa qyzmetter usynylatyn bolady.

- Ulttyq bank qarjylyq turaqtylyqty qamtamasyz etýge jáne qarjy sektoryn damytýǵa kómektesedi. Memleket basshysynyń tapsyrmasy boıynsha 2022 jyldan bastap ulttyq taratý júıesimen odan ári ıntegrasııalanatyn áleýmettik ámııan engizý josparlanýda. Jedel tólem júıesin damytý jáne bankaralyq tólem kartochkalary júıesin uıymdastyrý arqyly ulttyq tólem júıesin qurý boıynsha jumys jalǵasady. Bul halyq pen bıznes úshin tranzaksııalyq shyǵyndardy azaıtýǵa, qarjylyq qyzmetterdiń qol jetimdiligin arttyrýǵa jáne qarjy naryǵyndaǵy básekelestikti keńeıtýge múmkindik beredi, - dedi Qazaqstan Respýblıkasy Ulttyq Bankiniń tóraǵasy Erbolat Dosaev.

Aqsha-nesıe saıasatynyń tıimdiligin arttyrý úshin Ulttyq Bank ótimdilikti retteý tıimdiligin arttyrý boıynsha sharalar qabyldaıdy. Dosaevtyń pikirinshe, GS naryǵyn damytý boıynsha Úkimetpen birlesken sharalar naryqtaǵy ótimdilikti ekonomıka qajettilikteri úshin tıimdi paıdalanýǵa yqpal etedi. О́timdilikti tıimdi baılanystyrý valıýta naryǵyna aqsha aǵymyn boldyrmaıdy, aıyrbas baǵamy men ınflıasııany qysymdy tómendetedi.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar