Jaqsy aýdanynyń PB bastyǵynyń birinshi orynbasary Danııar Ishambekov joldy tekserý barysynda “Almaty-Ekaterınbýrg” avtojolynyń 926 shaqyrymynda joldan shyǵyp ketken “Volvo” markaly úlken júk kóligin baıqaǵan.
Júk kóliginiń júrgizýshisi burylý kezinde kólikti basqara almaı, kúrtik qarǵa qulaǵanyn aıtty. Ol óz betinshe shyǵa almaǵan. Birneshe ret ótip bara jatqan júk kólikteriniń júrgizýshilerinen kómek suraǵanymen, nátıje bolmaǵan, eshkim aýyr júk kóligin shyǵarýǵa kómektespegen.
Máseleniń aýqymdylyǵyn eskere otyryp, tártip saqshylary problemany sheshýge jol qyzmetiniń mamandaryn shaqyrdy. Alaıda tartylǵan trostar kóliktiń salmaǵymen úzile berdi. Tek olardy ilmekti arqanǵa aýystyryp, júk kóligin jolǵa tartyp shyǵarý múmkin boldy. Júk kóliginiń júrgizýshisi polıseılerge alǵysyn aıtyp, jolyn jalǵastyrdy.
