Almaty qalasyndaǵy Balýan Sholaq sport saraıynda Sochı qalasynda ótetin Qysqy Olımpııalyq oıyndarda Qazaqstan quramasynyń sporttyq kıimderi tanystyryldy.
Almaty qalasyndaǵy Balýan Sholaq sport saraıynda Sochı qalasynda ótetin Qysqy Olımpııalyq oıyndarda Qazaqstan quramasynyń sporttyq kıimderi tanystyryldy.
Sporttyq úlgidegi kıimder tigýmen aınalysatyn QazSPO-N kompanııasy usynǵan sporttyq kostıýmder jıyntyǵyna 26 úlgidegi kıimder kiredi. Olardyń ishinde Olımpıadanyń ashylý saltanatynda kıetin sherýlik formadan ózge, baskıim, jattyǵý formasy, bókebaı, sýyq ótkizbeıtin ishkıim, jyly keýdeshe jáne basqalary bar.
Kıimniń túsi Qazaqstan týynyń túsine sáıkes, al oıý-órnegi ulttyq bezendirý keıpinde berilgen. Onda elimizdiń ejelgi jazba úlgileri men tas músin sekildi mádenı eskertkishteri de kórinis tapqan. Sonymen qatar, taý-tasqa qashap salynǵan buqa, barys, salt atty adam jáne bas ornyna kún beınelengen sýretterdi de bizdiń sportshylardyń kıiminen kórýge bolady.
Kompanııa dırektory Elena Svechnıkovanyń aıtýynsha, otandyq sportshylardyń kıim úlgisin jasarda tiginshi-sýretshiler elimizdiń bilgir tarıhshylarynan keńes alǵan eken.
Bul kıimniń úlgisi jaqyn kúnderde elimizdiń sport dúkenderine túsip, tipti, jas balalarǵa arnalǵan úlgilerin de el satyp alýyna jaǵdaı jasalmaq.
Qanat ESKENDIR,
«Egemen Qazaqstan».
ALMATY.
