Koronavırýs • 24 Aqpan, 2021

Erlan Qııasov vaksınasııalaýdan keıingi qorǵanysh áser jaıynda aıtty

9 ret kórsetildi

Densaýlyq saqtaý vıse-mınıstri, bas memlekettik sanıtarlyq dáriger Erlan Qııasov eldegi vaksınasııalaýdyń qalaı júrip jatqanyn aıtyp berdi, dep habarlaıdy Egemen.kz

«Koronavırýstyq ınfeksııaǵa qarsy vaksınasııalaý jalǵasýda. Búgingi kúni birinshi komponentpen 20 157 adam egildi. 22 aqpannan bastap ekinshi komponentpen egý bastaldy, 2 137 adam egildi, qolaısyz kórinister tirkelgen joq. 25 aqpan men 4 naýryz aralyǵynda Qaraǵandy farmasevtıkalyq kesheniniń bazasynda óndirilgen 90 myń doza mólsherindegi vaksınanyń ekinshi partııasyn jetkizý kútilip otyr. Osy vaksınamen medısına qyzmetkerlerin vaksınasııalaý aıaqtalǵan soń, pedagogtardy vaksınasııalaýdy bastaý josparlanyp otyr», dedi E. Qııasov.

Onyń aıtýynsha, vaksınasııalaý barlyq óńirlerde júrgiziledi. Ol úshin 786 egý pýnkti ashylǵan. 170-i qazirgi ýaqytta egý jumystaryn júrgizýde, barlyǵy salqyndatý tizbegin qamtamasyz etý úshin qajetti jabdyqtarmen qamtamasyz etilgen. 9 myńnan astam medısına qyzmetkeri arnaıy oqytylǵan-dy.

«Aıta ketetin jáıt, vaksınasııalaýdan keıingi qorǵanysh áser, ıaǵnı koronavırýsqa qarsy antıdeneler dozany alǵash qabyldaǵannan keıin 12-14 kúnnen soń bastalady. Tolyq ımmýnıtetti qamtamasyz etý úshin 21 kúndik aralyqpen eki komponentten turatyn vaksınasııanyń tolyq kýrsyn alý qajet. Vaksınasııalaý kýrsy aıaqtalǵannan keıin 1,5 aıdyń ishinde organızmniń ımmýndyq reaksııasy paıda bolady, sondyqtan vaksına qabyldaǵan adamdar profılaktıkalyq sharalardy saqtaýy qajet», dedi vıse-mınıstr.

Sońǵy jańalyqtar

Uqsas jańalyqtar