Aımaqtar • 25 Aqpan, 2021

Tarazda tanymal túlekterdiń kezdesýi ótti

180 ret kórsetildi

Búgin Taraz ınnovasııalyq-gýmanıtarlyq ýnıversıtetinde Áýlıeata óńirinen shyqqan azamattarmen "Jomart túlek-2021" atty kezdesý ótti, dep habarlaıdy Egemen.kz.

Atalǵan kezdesý Jambyl óńirinen shyǵyp, búginde elimizdiń ár salasynda jetistikke jetken tulǵalardyń ómir jolyn jastarǵa nasıhattaý, óńir týmalaryn týǵan ólkesiniń áleýmettik máselelerin sheshý boıynsha sharalar qabyldaýǵa tartý maqsatynda uıymdastyryldy. Kezdesýde qatysýshylarǵa "Táýelsizdik jylnamasy" atty beınefılm kórsetildi. Fılm 1991 Jambyl oblysynda ár bes jyldyqta atqarylǵan jumystarǵa, óńirdiń áleýmettik-ekonomıkalyq damý kórsetkishterine arnaldy.

"Jomart túlek-2021" kezdesýin Jambyl oblysynyń ákimi Berdibek Saparbaev sóz sóılep ashyp, júrgizip otyrdy. Ákim óz sózinde atalǵan jıynnyń mańyzdylyǵyna toqtaldy. Sondaı-aq, Táýelsizdiktiń 30 jyldyǵyna oraı iske asatyn 30 ıgi is týraly aıtyp ótti. Áýeli Qazaqstan Respýblıkasy Tuńǵysh Prezıdenti keńsesiniń basshysy Mahmýt Qasymbekov sóz alyp, Elbasy Nursultan Nazarbaevtyń quttyqtaý hatyn jetkizdi. Sondaı-aq, Jambyl óńirinde búginde atqarylyp jatqan jumystarǵa toqtalyp, ózi bilim alǵan Shý aýdanyndaǵy S.Seıfýllın atyndaǵy mektepke qoldaý kórsetip kele jatqanyn aıtty. Sonymen qatar, jıynda Qazaqstannyń Eńbek Eri Asanáli Áshimov, memleket jáne qoǵam qaıratkeri О́mirbek Baıgeldi, Qazaqstannyń Eńbek Eri Aıagúl Mırazova, Qazaqstan Respýblıkasy Parlamenti Májilisi tóraǵasynyń orynbasary Gúlmıra Isimbaeva, Abaı atyndaǵy Qazaq ulttyq pedagogıkalyq ýnıversıtetiniń rektory Takır Balyqbaev, Halyq qaharmany Baqytjan Ertaev, Memlekettik syılyqtyń laýreaty Altynbek Qorazbaev jáne ózge de tanymal jambyldyqtar sóz alyp, árdaıym Áýlıeata jeriniń damýyna, órkendeýine tilektestigin bildirdi. Qazaqstannyń Eńbek sińirgen qaıratkeri, aqyn Maraltaı Raıymbekuly "Kóne Taraz" atty óleńin oqydy.

Elimiz Táýelsizdik alǵan jyldardan beri Jambyl oblysyndaǵy mektepterdi 400 myńnan astam túlek bitirgen. Túlekter sońǵy bes jylda óńirdegi bilim mekemelerine 2 mıllıard teńgege jýyq kómek kórsetken. Atalǵan jıyn elimizdiń ár qıyrynda eńbek etip júrgen tulǵalardy ǵana emes, shet elderde ómir súrip jatqan azamattardy da qamtydy. Kezdesý sońynda tanymal túlekterge "Jomart túlek-2021" syılyǵy tabystaldy.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar