Rýhanııat • 25 Aqpan, 2021

Jambyldyń 175 jyldyq mereıtoıyn ótkizý jónindegi memkomıssııanyń alǵashqy otyrysy ótti

35 ret kórsetildi

Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen Jambyl Jabaevtyń 175 jyldyq mereıtoıyn daıyndaý jáne ótkizý jónindegi memlekettik komıssııanyń alǵashqy otyrysy ótti, dep habarlaıdy Aqordanyń baspasóz qyzmeti.

 

Qazaqstan Prezıdenti mereıtoılyq is-sharalardyń joǵary uıymdastyrýshylyq jáne mazmundyq deńgeıin qamtamasyz etý úshin «Jambyl Jabaevtyń 175 jyldyq mereıtoıyn daıyndaý jáne ótkizý jónindegi memlekettik komıssııa qurý týraly» arnaıy Jarlyq qabyldaǵany belgili. Otyrysty ashqan Memlekettik hatshy uly jyraý, dala Gomeri atanǵan Jambyl Jabaevtyń rýhanı muralary álemdik mádenıettiń altyn qoryna engenin atap ótti. Jambyl Jabaev óziniń ǵıbratty ǵumyrynda adamı qasıetterdi ardaqtaýdy, Otanǵa degen ińkárlikti jáne qara qyldy qaq jarǵan ádilettilikti jyryna arqaý etip ótti.

Búgingi tańda onyń shyǵarmashylyǵy qoǵamnyń rýhanı jańǵyrýy jolynda erekshe ózekti bolyp otyr. Q.Kósherbaev byltyr uly Abaıdyń 175 jyldyq jáne Ál-Farabıdiń 1150 jyldyq mereıtoılaryn joǵary deńgeıde laıyqty atap ótilgenine toqtalyp, uly jyraýdyń mereıtoıy da urpaqtyń sanasyna ulaǵat bolar taǵylymdyq jáne tanymdyq is-sharalar arqyly jalǵasatynyn aıtty.

Otyrys barysynda Mádenıet jáne sport mınıstri A.Raıymqulovanyń, Almaty jáne Jambyl oblystarynyń ákimderi A.Batalov pen B.Saparbaevtyń, Qazaqstan Jazýshylar odaǵynyń basqarma tóraǵasy U.Esdáýlettiń Jambyl Jabaevtyń 175 jyldyǵy aıasynda ótkizýge josparlanǵan is-sharalar týraly aqparattary tyńdaldy.

Talqylaý qorytyndysy boıynsha memlekettik komıssııa mereıtoılyq is-sharalardyń jalpyrespýblıkalyq josparyn maquldady jáne bekitti. Mereıtoılyq jyl ishinde respýblıka boıynsha 500-ge jýyq áleýmettik, ımıdjdik, ǵylymı, tanymdyq is-sharalar ótkiziledi.

Budan bólek, aqyn ómirinen derekti fılm túsirý, óleńderiniń jańa jınaqtaryn shyǵarý, aıtystar men ádebı konkýrstardy, kitap kórmelerin uıymdastyrý, mereıtoılyq moneta, poshta markasyn ázirleý jáne basqa da sharalar ótkizý kózdelip otyr. Memlekettik hatshy Úkimetke jalpyrespýblıkalyq jospardyń sapaly oryndalýyn jáne mereıtoılyq is-sharalardyń aqparattyq turǵydan jan-jaqty súıemeldenýin qamtamasyz etýdi tapsyrdy.

Oblystardyń, Nur-Sultan, Almaty, Shymkent qalalarynyń ákimderine Jambyl Jabaevtyń mereıtoıyn merekeleý jónindegi óńirlik josparlardy ázirlep, bekitýdi jáne olardyń oryndalýyn qadaǵalaýdy mindettedi.

Talqylaý qorytyndysy boıynsha Memlekettik komıssııa mereıtoılyq is-sharalardyń jalpyrespýblıkalyq josparyn bekitti.



Sońǵy jańalyqtar

Almatyda qar kóshkini bolýy múmkin

Aımaqtar • Búgin, 17:22

Elordada dámhanadan órt shyqty

Elorda • Búgin, 16:21

Aldaǵy apta kún jylynady

Aýa raıy • Búgin, 12:57

Kósh basynda – «Manchester Sıtı»

Fýtbol • Búgin, 12:21

Súıispenshilik sabaǵy

Aımaqtar • Búgin, 12:15

Almatyda aıaldamadan náreste tabyldy

Qoǵam • Búgin, 11:34

It asyraýdyń da óz erejesi bar

Qoǵam • Búgin, 11:00

Elordada kún jylyna bastaıdy

Aımaqtar • Búgin, 10:57

Túrmege kitap syılady

Aımaqtar • Búgin, 10:10

Jetisý dıqandary jer ıgerip jatyr

Aımaqtar • Búgin, 10:07

Qostanaıda aýa sapasy nasharlaıdy

Aýa raıy • Búgin, 09:05

Jaqsynyń aty ólmeıdi...

Rýhanııat • Búgin, 08:31

Otandyq vaksınany qoldaný josparda bar

Medısına • Búgin, 08:20

Teńdik túbi – birlik

Elbasy • Búgin, 08:03

Aıaq kıimdi sıfrly tańbalaý engiziledi

Tehnologııa • Búgin, 07:49

Jeke kýáliktiń qajeti bolmaıdy

Saıasat • Búgin, 07:47

Kólik quralynyń elektrondy pasporty

Tehnologııa • Búgin, 07:45

Taldynyń mańyn tazartty

Rýhanııat • Búgin, 07:38

Uqsas jańalyqtar