Ekonomıka • 26 Aqpan, 2021

Ahmetjan Esimov BAÁ-niń ál-aýqat qorynyń basshylyǵymen kezdesti

27 ret kórsetildi

«Samuryq-Qazyna» AQ Basqarma tóraǵasy A.S. Esimov BAÁ-niń Mubadala Investment Company egemendi ál-aýqat qorynyń basshylyǵymen kezdesý ótkizdi. Kezdesý barysynda taraptar aǵymdaǵy yntymaqtastyq pen QR ekonomıkasynyń túrli sektorlaryna birlesip ınvestısııalaý perspektıvalaryn talqylady, dep habarlaıdy Egemen.kz.

Qazirgi ýaqytta Mýbadala ınvestısııalyq kompanııasynyń qatysýymen júzege asyrylǵan «Qorǵas-Shyǵys qaqpasy» AEA aýmaǵynda zamanaýı qoımalardy salý jobasyna «Qazaqstan temir joly» UK »AQ kirýi qarastyrylýda.

«Samuryq-Qazyna» AQ basshysy ınvestısııalyq holdıng úlgisiniń ózgerýi men aýysýyn eskere otyryp, BAÁ egemendi qoryn jańartylatyn energııa kózderi jobalary, taý-ken, telekommýnıkasııa sektorlarynda jáne ınfraqurylymdyq jobalar sııaqty basqa baǵyttar boıynsha odan ári birlesip ınvestısııalaý úshin shaqyrdy.

Sapar barysynda strategııalyq qujattarǵa qol qoıyldy.

«Samuryq-Qazyna» men Mubadala – Abu Dhabi Future Energy Company (Masdar) enshiles kásiporny Qazaqstanda jańartylatyn energııa kózderi sektoryn damytý jáne zerdeleý týraly memorandýmǵa qol qoıdy.

«KMG Drilling&Services» jáne «Caspian Drilling Company»  Kaspıı teńiziniń Ázerbaıjan sektorynda qazaqstandyq ózdiginen kóteriletin «Satti»  burǵylaý qondyrǵysymen uńǵymalardy burǵylaý týraly kelisimge qol qoıdy, onda ázirbaıjandyq SOCAR men brıtandyq British Petroleum birlesken barlaý jumystaryn júrgizýde.

Sondaı-aq basqa áleýetti ınvestorlarmen, onyń ishinde Atyraý oblysyndaǵy gaz-hımııa kesheni jobalaryndaǵy yntymaqtastyq boıynsha kelissózder júrgizildi. Quny 2,6 mlrd AQSh dollary bolatyn «Polıpropılen»  zaýytynyń qurylysy osy jyly aıaqtalady.

2022 jyly ónimniń alǵashqy partııasy shyǵarylady.

Quny 6,5 mlrd AQSh dollaryn quraıtyn «Polıetılen» jobasyn iske asyrý úshin qujattama ázirlenýde jáne strategııalyq ınvestor izdestirilýde.

Bul jobalardy «Samuryq-Qazyna» AQ qory júzege asyrýda, olar gaz hımııasyn damytý úshin strategııalyq mańyzy bar jáne Teńiz ken ornynyń shıkizatyn tereń óńdeýge baǵyttalǵan.

Jobalardy iske asyrý alǵash ret aýqymdy qaıta óńdeý qýattaryn qurýǵa jáne ónerkásiptik jáne halyq tutynatyn óndiristerdiń keń spektri úshin bazalyq ónim shyǵarýdy retteýge múmkindik beredi.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar