Qoǵam • 26 Aqpan, 2021

Elordada jeksenbide SOO-lardyń jumys isteýine ruqsat berildi

18 ret kórsetildi

Osy jyldyń 1 naýryzynan bastap elordanyń bas memlekettik sanıtarlyq dárigeriniń Nur-Sultandaǵy karantındik sharalar týraly jańa qaýlysy kúshine enedi. Oǵan sáıkes SOO-larǵa, iskerlik úıleri men bıznes ortalyqtaryna demalys kúnderi de jumys isteýine ruqsat etiledi, dep habarlaıdy Egemen.kz qala ákimdiginiń resmı saıtyna silteme jasap.

«Bıznes-ortalyqtardyń, iskerlik úılerdiń, sondaı-aq olarda ornalasqan advokattardyń, notarıýstyń, býhgalter men konsaltıngtiń qyzmetin kórsetý obektileriniń, jyljymaıtyn múlik jónindegi agenttiktiń, jarnama agenttikteriniń, sot oryndaýshylarynyń, týroperatorlardyń, azyq-túlik emes taýarlardy jáne t.b satý jónindegi býtıkterdiń (bólimderdiń) jumysyn kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaýmen, jumysshylardyń keminde 60 % qashyqtyqtan jumys isteý túrine aýystyrýdy qatań túrde saqtaı otyryp, jumys jáne demalys kúnderi jumys kestesin saǵat 09:00-den 22:00-ge deıin belgileı otyryp uıymdastyrý», - delingen jańa qaýlyda.

Jeksenbi kúnderi qalanyń saýda-oıyn-saýyq ortalyqtary da jumys isteıtin bolady. Sonymen, olar úshin jumys jáne demalys kúnderi saǵat 10:00-den 23:00-ge deıin jumys kestesi belgilengen.

Degenmen atalǵan obektilerde jáne olardyń aýmaqtarynda ornalasqan attraksıondardyń, oıyn alańdarynyń, muz aıdyndarynyń jáne rolık oryndarynyń, oıyn ortalyqtarynyń jumysyna tyıym salynady. Fýdkorttardyń jumysy tek ózimen birge alyp ketýdi eseptemegende kýrerlik jetkizýge ǵana ruqsat etiledi. Onlaın formatty qospaǵanda, túrli aksııalar, jármeńkeler, shoýrýmdar, utys oıyndaryn ótkizýge tyıym salynady.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar