Qazaqstan • 27 Aqpan, 2021

Shekara qyzmeti «Qarasý» ótkizý pýnktinde kontrabandalyq júkti ustady

15 ret kórsetildi

2021 jylǵy 26 aqpanda UQK Shekara qyzmeti Jambyl oblysy boıynsha departamenti «Qarasý» avtokólik ótkizý pýnktinde iri kólemdegi dári-dármek partııasyn Qazaqstannan Qyrǵyzstanǵa zańsyz alyp ótýdiń jolyn kesti. Dári-dármektiń 86-dan astam túri anyqtalǵan júktiń tasymaldanýǵa ruqsat qujattary bolmaı shyqty. Kontrabandalyq taýardyń baǵasy 50 mln teńgeden asady.

2021 jylǵy 27 aqpanda dál osy ótkizý pýnktinde quny 20 mln teńgeden asatyn dári-dármekterdiń úlken partııasyn zańsyz ótkizýdiń aldy alyndy.

Eki jaǵdaıda da ustalǵan júk jáne oǵan qatysty materıaldar jergilikti Memlekettik kirister departamentine berildi.

Bul jaǵdaı dári-dármekterdi Qazaqstan aýmaǵynan zańsyz áketýdiń alǵashqy áreketi emes ekenin aıtyp ótý qajet.

Qazaqstandyq shekarashylar Memlekettik shekaradan zańsyz ótý jáne kontrabandalyq taýarlardy ótkizý arnalaryn jabý boıynsha belsendi tekserý is-sharalaryn jalǵastyrýda.

Sońǵy jańalyqtar

Uqsas jańalyqtar