- Keshe oblys basshysy О́mirzaq Shókeev qara jamylǵan otbasyǵa baryp, marqumdardyń týystaryna kóńil aıtty. Qoǵamdyq densaýlyq saqtaý basqarmasynyń psıhologtary óz kómekterin kórsetýde. Marqumdardyń deneleri sot medısınalyq saraptamadan ótkizilip, týystaryna tabystaldy. Jerleý rásimine qajetti kómekter kórsetilýde. Oblystaǵy mekemeler qaıǵyly jaǵdaıǵa tap boǵan otbasyǵa kómektesý úshin bir kúndik jalaqylaryn aýdarýdy nıet etip otyr. Osy oqıǵaǵa baılanysty qylmystyq is qoǵaldy. Eger tıisti qyzmetkerlerdiń kinási anyqtalsa, zań aıasynda jaýapkershilikke tartylady, - dedi A.Jetpisbaev.
Eske sala ketsek, 27 aqpanda keshkisin Túrkistan qalasyndaǵy jekemenshik úılerdiń birinen ıis tıip qaıtys bolǵan 5 adamnyń denesi tabyldy. Qaıtys bolǵandar: osy úıdiń 1980 jyly týǵan azamatshasy jáne onyń 2004, 2006, 2013, 2016 jyly týǵan balalary. Kásipkerlikpen aınalysatyn otaǵasy bul kúni emdelý maqsatynda Shymkent qalasynda bolǵan.
Oblystyq tótenshe jaǵdaılar departamentiniń basshysy Nurǵalı Júnisovtyń aıtýynsha, qaıǵyly jaǵdaı bolǵan úı ırandyq kamın peshimen jylytylǵan. Boljam boıynsha marqumdar ıisti gazdan ýlanyp qaıtys bolǵan.
Túrkistan oblystyq Polısııa departamenti bastyǵynyń birinshi orynbasary Ábdiǵanı Seıdýalıevtiń aıtýynsha, qaıǵyly jaǵdaı 26 aqpan kúni keshki saǵat 7-8-derdiń shamasynda oryn alǵan bolýy múmkin. Otbasy músheleri bul kezde áli uıqyǵa jatpaǵan. Qaıtys bolǵan azamatsha bazarda jumys istegen. Erteńine ol bazarǵa shyqpaǵan soń qasyndaǵy tanysy onyń úıine ulyn jibergen. Uly úıden eshkimniń shyqpaǵanyn aıtyp kelgen. Budan keıin satýshy áıel kúıeýin jumsaǵan. Ol úıdiń terezesinen qarap, marqum azamatshanyń jatqanyn kórgen.
- Oqıǵa boıynsha Qylmystyq kodekstiń 292-babynyń 3-bólimimen, ıaǵnı abaısyzda eki nemene odan kóp adamnyń ólimine ákelip soqqan órt qaýipsizdigi talaptaryn buzý babymen qylmystyq is qozǵaldy. Tolyq mán-jaı tergeý barysynda anyqtalady, - dedi Á.Seıdýalıev.
«QazTransGaz Aımaq» mekemesiniń Túrkistan boıynsha óndiristiń fılıalynyń basshysy Shalqar Ýmarbekovtyń aıtýynsha, oqıǵa bolǵan Sultan Beıbarys kóshesine tabıǵı gaz qubyry osydan birneshe jyl buryn tartylǵan. Al abonenttiń ózi gazǵa qosylý jónindegi ótinishti byltyr qarashada bergen. Úıge gaz qubyrlaryn ornatý jumystaryn «QazTransGaz» mekemesi emes, merdiger mekemeler aqyly negizde júrgizedi.
-Biz olarǵa óz tarapymyzdan silteme nemese talaptar qoıa almaımyz. Olar ózderiniń jumysyn lısenzııa negizinde júzege asyrady, - dedi Ýmarbekov.
Aıta keteri, qaıǵyly oqıǵa bolǵan úıdegi gaz quraldarynyń ornatylýy aldyn ala ótkizilgen qujattardaǵy shemamen sáıkes kelmegen.
