Aımaqtar • 01 Naýryz, 2021

О́rt qaýipsizdigi talaptaryn buzý babymen qylmystyq is qozǵaldy

42 ret kórsetildi

Bir otbasy túgel derlik, aıdyń-kúnniń amanynda ajal qushty. Kináli kim? Aýa raıynyń kúrt sýyǵanyn aıtýshylar bar, kóshege kelip turǵan «kógildir otyndy» úıge kirgizýdiń qıyndyǵy men qymbattyǵyn alǵa tartýshylar da joq emes, gaz tartatyn merdigerlerdiń meıirimsizdigi de, peshten bolǵan aqaý da aıtylýda... Kináli nemese qaıǵyly oqıǵanyń sebebi anyqtalar. Biraq...

Iá, Túrkistan qalasynda bir otbasyn-da qaıtys bolǵan bes adam Qyzylorda oblysy Jańaqorǵan aýdanynda jerlendi. Mundaı málimetti Túrkistan oblysy ákiminiń birinshi orynbasary Arman Jetpisbaev brıfıngte málim etti.

– Oblys basshysy О́mirzaq Shókeev qara jamylǵan otbasyna baryp, mar­qumdardyń týystaryna kóńil aıtty. Qoǵamdyq densaýlyq saqtaý bas­qarmasynyń psıhologtary tıisti kómek kórsetýde. Marqumdardyń deneleri sot medısınalyq saraptamadan ótkizilip, týystaryna tabystaldy. Jerleý rásimine qajetti kómek kórsetildi. Oblystaǵy mekemeler qaıǵyly jaǵdaıǵa tap bol­­ǵan otbasyǵa kómektesý úshin bir kún­dik jalaqylaryn aýdarýdy nıet etip otyr. Osy oqıǵaǵa baılanysty qyl­mystyq is qoǵaldy. Eger tıisti qyz­met­kerlerdiń kinási anyqtalsa, zań aıasynda jaýapkershilikke tartylady,– dedi A.Jetpisbaev.

Iá, qaıǵyly oqıǵa jóninde derekter alǵash 27 aqpanda keshkisin málim bolǵan. Túrkistan qalasyndaǵy jekemenshik úılerdiń birinen 5 adamnyń jansyz denesi tabyldy. Qaıtys bolǵandar: osy úıdiń 1980 jyly týǵan azamatshasy jáne onyń 2004, 2006, 2013, 2016 jyly týǵan balalary. Kásipkerlikpen aınalysatyn otaǵasy bul kúni emdelý maqsatynda Shymkent qalasynda bolǵan. Oblystyq tótenshe jaǵdaılar departamentiniń basshysy Nurǵalı Júnisovtiń aıtýynsha, qaıǵyly jaǵdaı bolǵan úı ırandyq kamın peshimen jylytylǵan. Boljam boıynsha marqumdar ıisti gazdan ýlanyp qaıtys bolǵan. Tótenshelikter Túrkistan qalasynda jylytý maýsymy bastalardyń aldynda abonentter arasynda gaz quraldaryn paıdalanýdyń erejelerin saqtaý jóninde túsindirý jumystary júrgizilgenin aıtýda. Ob­lys­tyq polısııa departamenti bas­tyǵynyń birinshi orynbasary Ábdiǵanı Seıdýalıev qaıǵyly jaǵdaı 26 aqpan kúni keshki saǵat 7-8-derdiń shamasynda oryn alǵan bolýy múmkin ekenin aıtady. Qaıtys bolǵan azamatsha bazarda jumys istegen. Erteńine ol bazarǵa shyqpaǵan soń qasyndaǵy tanysy onyń úıine ulyn jibergen. Uly úıden eshkimniń shyqpaǵanyn aıtyp kelgen. Budan keıin satýshy áıel kúıeýin jumsaǵan. Ol úıdiń terezesinen qarap, marqum aza­­matshanyń qımylsyz jatqanyn kórgen. «Oqıǵa boıynsha Qylmystyq kodekstiń 292-babynyń 3-bólimimen, ıaǵnı abaısyzda eki nemese odan kóp adamnyń ólimine ákelip soqqan órt qaýipsizdigi talaptaryn buzý babymen qylmystyq is qozǵaldy. Sot tehnıkalyq saraptamasy taǵaıyndaldy. Tolyq mán-jaı tergeý barysynda anyqtalady», dedi Á.Seıdýalıev.

Oqıǵa ornyn Tótenshe jaǵdaı, polısııa, gaz taratý mekemesi qyzmetker­lerimen tekserý barysynda kamın túrindegi pesh ornatylǵan bólme úıdiń ortasynda ornalasqany, eki jaǵynda eki bólme bolǵany anyqtalǵan. «Muqııat tekserý barysynda ornatylǵan peshke gofr­lengen burǵysh qosylǵany anyqtaldy. Ol janý ónimi peshten 1,5 metr qa­shyq­tyqta qabyrǵadaǵy tesik arqyly kóshege shyǵarylǵan. Syrtqy jaǵynan gofrlengen rozetka 5-7 santımetrdi ǵana quraıdy, osylaısha qatty jeldiń áserinen peshtegi tartylystyń nasharlaýyna yqpal etip, ýly gaz bólme ishine taraýyna ákep soǵýy múmkin»,  dedi oblystyq TJD basshysy Nurǵalı Júnisov.

Sondaı-aq brıfıngte «QazTransGaz Aımaq» mekemesiniń Túrkistan boıynsha óndiristik fılıalynyń basshysy Shalqar Omarbekov oqıǵa bolǵan Sultan Beıbarys kóshesine tabıǵı gaz qubyry birneshe jyl buryn tartylǵanyn aıtty. Úıge gaz qubyrlaryn ornatý jumys­taryn «QazTransGaz» emes, merdiger mekemeler aqyly negizde júrgizedi. Peshtiń qanshalyqty talapqa saı ekenin anyqtaý maqsatynda sot-tehnıkalyq saraptama júrgizilmek. «Otbasy 2020 jyly qarashada tehnıkalyq shart alýǵa usynys bergen. Tehnıkalyq shart aıasynda qujattar daıyndalyp, 27 qa­rashada gazǵa qosý týraly ótinish berdi. Sol qu­jattar negizinde gaz paıdalanýǵa ruq­sat berildi. Montajdaý jumystaryn gazdandyrýmen aınalysatyn «Gaz qu­byry-2050» degen merdiger mekeme jú­zege asyrdy. Lısenzııa negizinde júzege asyrylǵandyqtan, merdigerler gazdy qosyp berý, qazandyqty gazǵa qosý jumystaryn ózderi júzege asyrady. Oqıǵa týraly habar túsken soń biz­diń mamandar baryp kórip, ırandyq peshtiń ornatylǵanyn anyqtady. Ol qazandyq retinde jylytady jáne tamaq isteýge múmkindik beredi. Azamattar keıde sony qoldanady, biraq ol óte qaýipti qazandyq bolyp sanalady. So­dan keıin mamandar keńsege baryp qu­­jattardy tekserdi. Úıdegi jaǵdaı men qujattardyń sáıkes emes ekeni anyq­taldy, – dedi Sh.Omarbekov. – Ma­man­dar oqıǵa ornynda úsh núkte bar eke­nin anyqtaǵan. Jatyn bólmedegi bir núkte gazǵa qosylmaǵan. Ekeýine gaz plıta men ırandyq pesh qosylyp tur­­ǵan. Ár bólmege bólek-bólek gaz qu­byry tar­tyl­ǵan. Ishinde bir qazandyq qosýly tur. Sol qazandyqtan ýly zattar ból­mege taralýy múmkin.

Qalaı desek te, búkil eldiń qabyr­ǵasyn qaıystyrǵan qaıǵyly oqıǵanyń mán-jaıyn tekserý jumystary tolyq anyq­tap beredi. Iаǵnı órt qaýipsizdigi talaptarynyń saqtalýyn anyqtaý maq­satynda sot-tehnıkalyq saraptama júr­giziledi.

 

Túrkistan oblysy

 

Sońǵy jańalyqtar

Almaty oblysynda orman alqaptary órtendi

Ekologııa • Búgin, 16:10

Búgin – ekologııalyq bilim kúni

Ekologııa • Búgin, 15:59

Esil ańǵarynan asyp, qaýip tóndirýde

Aımaqtar • Búgin, 13:50

Pavlodar oblysynda da balyqtar qyrylyp qaldy

Ekologııa • Búgin, 12:25

Túrkistanǵa 3000 jyl

Rýhanııat • Búgin, 12:10

Elimizde jumyssyzdyq deńgeıi ósti

Qoǵam • Búgin, 10:03

2002 adam koronavırýstan emdelip shyqty

Koronavırýs • Búgin, 09:32

Dollar qaıtadan arzandaı bastady

Qarjy • Búgin, 09:22

Saryala qazdyń qańqyly estildi

Rýhanııat • Búgin, 08:51

Shyǵyrshyqtar jeńiske shaqyrady

Oqıǵa • Búgin, 08:50

Aqmolalyqtar Aqkólge qarap boı túzeıdi

Tehnologııa • Búgin, 08:40

Qor naryǵy qymbattady

Álem • Búgin, 08:33

La-Sýfrıer janartaýy oıandy

Álem • Búgin, 08:30

Baba amanatyna adaldyq

Rýhanııat • Búgin, 08:07

Medıatorlar qatary qalyńdaı túsedi

Qoǵam • Búgin, 08:05

Balýannyń alǵashqy altyny

Kúres • Búgin, 08:02

Nannyń qadir-qasıetin umytpaıyq

Qoǵam • Búgin, 08:01

PSJ ese qaıtardy

Fýtbol • Búgin, 07:59

Jarysty jeńispen bastady

Boks • Búgin, 07:56

Jaqaevtyń taqııasy

Rýhanııat • Búgin, 07:47

Shilikti aýylyn sý basty

Aımaqtar • Búgin, 07:44

Ekpe alý pýnkti meshitte de ashyldy

Qoǵam • Búgin, 07:35

Ever Given Mysyrda qaldy

Álem • Búgin, 07:28

Uqsas jańalyqtar