«Qymbatty otandastar, barshańyzdy 1 naýryz – Alǵys aıtý kúnimen quttyqtaımyn! Tuńǵysh Prezıdent – Elbasy Nursultan Ábishuly Nazarbaev belgilegen bul mereke ózara senim men izgiliktiń, meıirimdiliktiń, sondaı-aq kópultty Qazaqstan halqynyń ortaq tarıhı murasynyń sımvolyna aınaldy.
Biz barlyq kezde bereke-birliktiń arqasynda kez kelgen synaqtan súrinbeı ótip, alǵa qoıǵan maqsattarymyzǵa qol jetkize aldyq. Qazaqstandyqtardyń qasterli qundylyqtary – aýyzbirshilik, toleranttylyq pen ózara túsinistik aldaǵy ýaqytta da bizdiń ortaq shańyraǵymyz – Qazaqstan Respýblıkasyn odan ári damytýda myzǵymas tiregimiz bolyp qala beredi dep senemin.
Qazaqstandaǵy tatýlyq pen kelisim úshin, sondaı-aq Otanymyzdyń ósip-órkendeýi jolyndaǵy adal eńbekterińiz úshin shynaıy alǵys aıtamyn!
Barlyq qazaqstandyqtarǵa, ár otbasyna zor densaýlyq jáne amandyq tileımin!
Qazaqstan Respýblıkasynyń Premer-Mınıstri Asqar Mamın» delingen quttyqtaýda.
