«Qazaqstanda jeke vaksına ázirleýshiler, sondaı-aq vaksına óndirýge arnalǵan oqshaýlanǵan alań bar - bul vaksınamen qamtamasyz etýge baılanysty táýekelderdi barynsha azaıtý jáne respýblıkamyzdaǵy epıdemıologııalyq ahýaldy turaqtandyrýǵa aıtarlyqtaı áser etedi. Osylaısha, 2021 jyly biz 6 mln astam adamdy egýdi josparlap otyrmyz», - dedi Alekseı Soı.
Sonymen qatar, mınıstr reseılik «Spýtnık V» vaksınasy rekordtyq merzimde satyp alynǵanyn eske saldy. Búginde ol Qaraǵandy farmasevtıkalyq kesheniniń bazasynda óndirilýde.
«Otandyq taýardy jetkizý bekitilgen kestege sáıkes – bıyl 24 aqpanda bastaldy. Sonymen qatar, bıyl sáýir aıynda QR BǴM Ǵylym komıtetiniń Bıologııalyq qaýipsizdik problemalary ǵylymı-zertteý ınstıtýty ázirlegen – otandyq «QazCovid-in» vaksınasyn qoldaný josparlanǵan», dedi ol.
Onyń aıtýynsha, Densaýlyq saqtaý mınıstrligi profılaktıkalyq egýge arnalǵan vaksınany tasymaldaldaǵanda salqyn jerde saqtaý máseleleri boıynsha standartty operasııalyq rásimderdi ázirledi jáne bekitti. 2 myńnan astam medısına qyzmetkerleri KVI-ge qarsy vaksınasııa taktıkasy, vaksınasııanyń qaýipsizdigi men tıimdiligin qamtamasyz etý boıynsha oqytyldy.
