SERTIFIKATYMYZ SYRTTA MOIYNDALATYN BOLADY

Astanada memlekettik metrologııalyq mekemelerdiń Eýrazııalyq yntymaqtastyq komıtetiniń 20 májilisi bolyp ótti. Jyl saıyn ár elde ótetin mańyzdy basqosý bıyl elimiz elordasynda ótip otyr. KOOMET – aımaqtyq metrolo­gııa­lyq uıymy 1991 jyly eýrazııa­lyq aımaqtyq elderde ólshem bir­li­gin qam­tamasyz etý máselelerin tıim­di she­shý­ge, ulttyq ekonomıka yn­tymaqtas­ty­ǵyn damytýǵa jáne ha­lyqaralyq saý­dada tehnıkalyq tos­qaýyldardy joıý­ǵa járdemdesý maqsatynda qurylǵan bolatyn. Oǵan 18 el, atap aıtsaq, Ar­me­nııa, Ázir­baı­jan, Belarýs, Bol­ga­rııa, Ger­ma­nııa, Grýzııa, Qazaqstan, Qyr­ǵyz­stan, KHDR, Kýba, Lıtva, Mol­dova, Reseı, Rýmynııa, Slovakııa, Tájik­stan, О́zbekstan jáne Ýkraına múshe. Bul jolǵy otyrysqa AQSh, Kýba, Fransııa, Germanııa se­kildi elder qatysa almady. Oǵan Is­lan­dııada oıanǵan janartaý sebepshi bolyp otyr. Al elimiz KOOMET ko­mı­­teti quramyna 1998 jylǵy qara­sha­dan bastap múshe. Komıtettiń bas­ty qyz­metteri etalondardyń ózara sáı­kes­tigine jetýge, ólsheýish aspap­tarǵa jáne olardy metrologııalyq baqylaý ádisterine qoıylatyn ta­lap­tardyń uı­ǵa­rymdylyǵyna, ult­tyq ólsheý sertı­fı­kattarynyń ba­la­malylyǵyn taný­ǵa, metrologııa­lyq qyzmettiń jaı-kúıi týraly aq­pa­rat almasýǵa, ózara me­tro­lo­gııa­lyq qyzmet kórsetýge járdem­de­sýge baǵyttalǵan.  “KazInMetr” RMK bas dırektory Vasılıı Mıhal­chen­ko­nyń aıtýynsha, elimizdiń me­tro­lo­gııa jáne standarttaýdyń halyq­ara­lyq uıymdaryna múshelikke enýi úl­ken mártebe. О́ıtkeni, Kedendik odaq­­tyń qurylýy, odan ári biryńǵaı eko­no­mıkalyq keńistikke ótýge oraı, otandyq ónimderdiń sapasy men bá­se­kege qabilettiligi, olardyń shetelderde moıyndalýy biz úshin mańyzdy. Son­dyqtan búgingi kezekti otyrys elimiz ólsheý quraldarynyń múmkindigin ha­lyqaralyq deńgeıge jetkizýge jasal­ǵan taǵy bir qadam, dedi ol. Bizdiń ól­sheý múmkindikteri­miz endi álem boı­yn­sha moıyn­dalatyn bolady. V.Mı­halchenkonyń aıtýynsha, Qazaqstan ólshem men kólemniń halyqaralyq uıymyna 52-shi múshe bolyp enip otyr. Álemdik rynokqa shyǵatyn ónimniń sapasyn anyqtaıtyn mundaı qurylymdarǵa qatysý olardyń jo­lyn­daǵy kezekti kedergilerdi joıýǵa múm­kindik beredi. Sondaı-aq Qazaq­stan sapa sertıfı­kat­tarynyń shetel­derde de moıyn­da­latyn kúni alys emes kórinedi. О́ıtkeni, sala boıynsha Qazaqstanda ǵylymı mamandardyń negizgi bazasy qalyptasqan. KOOMET jumysyna qatysqan elder ózderiniń kalıbrleý jáne ólsheý múmkindikterin halyqaralyq deńgeıde dáleldeý múmkindigin alýda. Al bul kez kelgen qyzmet salasynda ól­sheý ná­tı­jelerine ózara senim qa­lyp­tas­ty­rýǵa jáne halyqaralyq saý­da, ǵyly­mı-tehnıkalyq yntymaq­tas­tyq pen normatıvtik qujattamalardy ázirleýge qatysty óte úlken ýaǵda­las­tyqtar úshin tehnıkalyq bazany qu­rýǵa áser etedi. Venera TÚGELBAI.