Aqtóbe oblystyq bas sanıtarııa dárigeri jańa qaýly shyǵardy. Búginnen bastap óńirdegi karantındik shekteý sharasy taǵy jeńildedi. Qoǵamdyq tamaqtaný oryndarynda adam sany syıymdylyqtan 30 paıyzǵa aspaýy tıis. Iаǵnı, mundaǵy adam 50-den joǵary bolmaýy kerek.
Sonymen birge, dinı nysandar qyzmetin jandandyrdy. Munda da 30% talap saqtalady. Jalpy bilim beretin mektepterdegi 1-5 synyptarda 25, halyqaralyq mektepterdegi 1- 7 synyptarda 25 oqýshydan aspaıtyn aralas oqytýǵa ruqsat berildi.
«Bilim mekemesi ákimshiliginiń sheshimi boıynsha sabaqtan tys ýaqytta jeke oqytýǵa ruqsat. Tek toptarda adam sany 15-ten aspaýy tıis. Sonymen birge bılıard klýbtarynyń jumysyna ruqsat berildi. Balalardyń oıyn-saýyq ortalyqtary da (jabyq oryndardaǵy attraksıondar, oıyn alańdary) jumysty qaıta jandandyryrady. Tek mundaǵy adam sany 50-den aspaýy tıis», delingen oblystyq sanıtarııalyq-epıdemıologııalyq baqylaý departamentiniń habarlamasynda.
