Tańǵy saǵat 09.30-da bastalǵan telemarafon barysynda kópshiliktiń qoldaýymen osteogenez syrqatyna daýa izdegen bir otbasynyń balalary, 10 jáne 12 jastaǵy Nurıslam men Balnur Jumataıǵa, sozylmaly búırek aýrýyna shaldyqqan jýrnalıst Baǵdat Muhtarulyna, Túrkııa aýrýhanasynda leıkozben kúresip jatqan 3 jastaǵy aqtaýlyq Láılá Baqtybaevaǵa, tobyǵy ókshesine bitip, bel omyrtqasy aıqasyp týǵan 8 jastaǵy qyzylordalyq Zarına Nııazbektiń esepshoty jarııalanyp, kópshilik kómek qolyn usyndy. Nurıslam men Balnur Jumataıdyń atyna ashylǵan esepshotqa 6 675 835 tg, Láılá Bahtybaevaǵa 6 141 749 tg, Zarına Nııazbekke 4 816 208 tg, Baǵdat Muhtarulynyń esepshotyna 4 566 208 tg tústi. «Qazaqstan» teleradıokorporasııasy keıipkerlerdiń aldaǵy ómiri týraly kópshilikti habardar etip otyrady.
Sonymen qatar telemarafon barysynda Reseıden 18 jyldan beri eline jete almaı júrgen qazaqstandyq azamat Tengız Vısaıtov Qaraǵandyda turatyn anasy Maret Vısaıtovmen júzdesti. «Hareket» qaıyrymdylyq qorynyń dırektory Gúlmıra Muqanqyzy stýdııada taǵdyrdyń taýqymetin kórip, qaıta qaýyshqan jandarǵa 3 bólmeli páterdiń kiltin tabystady.
«Myń alǵys» qaıyrymdylyq jobasy 2018 jyldan beri turaqty túrde uıymdastyrylyp keledi. Sharanyń negizgi maqsaty - kómekke muqtaj jandarǵa kópshiliktiń atsalysýymen qolushyn sozý, meıirimdilikti, qaıyrymdylyqty nasıhattaý, qaıyrymdy jandarǵa alǵys aıtý
